CONCELLO DE PONTECESURES
O XXII Concurso de Beléns repartiu este ano 325 euros entre os tres mellores nacementos da vila. O primeiro posto recaeu, por segundo ano consecutivo, en Francisco Barreiro e as súas netas, veciños do Sixto (Xanza). O xardín da súa casa, completamente decorado con motivos de Nadal, acolle un nacemento de arredor de setenta pezas de barro e cortiza ao que incorporaron, nesta ocasión, grandes figuras dos Reis Magos e dos seus camelos.
Os segundos clasificados foron Fernando Gómez e a súa avoa Celia Rincón, de Pontevalga, que presentaron un belén con máis de 150 pezas dispostas nunha superficie duns catro metros. Todas están feitas a man por Celia: as figuras con arxila e arame, e as construcións con diferentes materiais coma cunchas, pequenas pedras, area pintada e tellas tamén feitas e cocidas por ela.
A terceira posición foi para a asociación Asdivalu, que concorreu ao concurso cun belén con figuras de barro. As principais foron feitas no obradoiro de barro do CODI dispostas sobre a silueta dunha árbore de Nadal de madeira. Os gañadores recibiron 150, 100 e 75 euros.
La Voz de Galicia
A Fundación Rosalía de Castro acolle hoxe en Padrón a quinta edición do festival ‘Abride a Fiestra’, coincidindo co día no que se cumpren 138 anos do pasamento da autora. O evento acollerá diferentes manifestacións culturais das que Rosalía será a figura central. Entre os protagonistas do evento están Xisco Feijoo, AldaoLado, Antón Reixa, Xurxo Souto, Olga Novo e Moncha Fuentes, entre outros. A xornada da comezo ás 11 da mañá e ata media noite acollerá máis dunha vintena de actividades. Visitas guiadas pola Horta de Rosalía ou a Casa para crianzas, recitais e presentacións de libros son algunhas das posibilidades. Ademais haberá unha cata de viños a e unha degustación de vermú. Tamén haberá posibilidade de xantar na propia Horta da Casa da Matanza a partir das 14.00 horas.
Asimismo, para os máis pequenos haberá un espazo de brinquedos tradicionais, un obradoiro de brinquedos sonoros e un concerto de Ce Orquestra Pantasma. Durante todo o día na Casa de Rosalía haberá feira de produtos rosalianos, un espazo de brinquedos tradicionais, e un pianista residente ao Piano de Rosalía. Esta edición do ‘Abride a Fiestra’ rematará coa observación da estrela Rosalía de Castro canda a Agrupación Astronómica Ío, para a que se recomenda levar primáticos.
El Correo Gallego
El Correo Gallego
LOCAL ANEXO AO PAVILLÓN POLIDEPORTIVO MUNICIPAL
CAMPAMENTO DE NADAL:
23, 28, 29 e 30 decembro de 9.00 a 14.00 horas.
Nenos/as de 3 a 13 anos.
Prazo de inscrición ata o 18 de decembro.
OBRADOIRO DECORACIÓN DE NADAL:
7, 14, e 21 decembro de 17.30 a 19.00 horas.
Nenos/as de 5 a 13 anos.
Prazo de inscrición ata o 6 de decembro.
OBRADOIRO CICLO DE COCIÑA INFANTIL DE NADAL:
10, 15, 17, 22 e 29 decembro de 17.30 a 19.00 horas.
Nenos/as de 5 a 13 anos.
Prazo de inscrición ata o 9 de decembro.
CONEXIÓN CO PAXE REAL E RECOLLIDA DE CARTAS:
9, 16, 23 e 30 decembro de 17.30 a 19.00 horas.
Nenos/as de 5 a 13 anos.
Prazo de inscrición ata o 8 de decembro.
CONCURSO DE POSTAIS DE NADAL:
Entrega de traballos nas oficinas municipais ou no mail xuventude@pontecesures.org
Nenos/as de 5 a 13 anos.
Prazo de presentación de traballos ata o 15 de decembro.
Actividades subvencionadas pola Deputación de Pontevedra.
