Pontecesures

Despois dos incumprimentos reiterados por parte do alcalde o longo destes últimos anos o pasado mes de xaneiro os traballadores/as fixemos unha serie de mobilizacións acadar unha resposta á negociación dunha Relación de Postos de Traballo (RPT) obrigatoria nas administraciópns públicas, documento onde se recolle a organización, funcións e salarios do persoal municipal.

Despois desas mobilizacións acadarase unha convocatoria dunha mesa de negozación na que o alacalde se comprometeu por escrito asinado o 20 de febreiro a contratar a unha empresa para elaborar unha RPT (que así fixo, cun custo de 15.000 € para o concello); e presentar un borrador desa RPT para negociar, o 15 de abril.

Para que a veciñanza poida comprobar a veracidade do que estamos relatando publicamos a continuación dito compromiso asinado polo alcalde.

Acadado este compromiso, os traballadores/as suspendemos as mobilizacións aceptando unha prórroga ate o 30 de abril para a entrega do borrador da RPT.

Pois ben, o alcalde imcumpriu o asinado cos representanmtes dos traballadores/as e posto que a mediados de maio segue sen presentarnos nada, esta semana acordamos proseguir coas mobilizacións demandando algo que é xusto ademais de legal.

Maña venres ás 12 h. do mediodía concentrarémonos na Plazuela invitando á poboación que nos acompañe nesta demanda, xa que a falta de organización e as nosas condicións laborais lles afecta directamente.