tripartito

Pontecesures confirma o compromiso da Secretaría Xeral para o Deporte de proceder xuntos á ampliación do club náutico no 2024.

O retraso no inicio da obra, explica a rexedora, ten a súa orixe na solicitude dun informe ao Concello

Os padexeiros do Club Náutico Pontecesures están máis preto de ver feita realidade a tan reclamada como precisa ampliación das súas instalacións na zona portuaria da localidade do Ulla. A alcaldesa, Maite Tocino (BNG), informa que a Secretaría Xeral para o Deporte da Xunta de Galicia vén de confirmarlle ao Concello o mantemento do seu compromiso cunha obra que debería estar en marcha, cando non rematada, este mesmo ano, e que finalmente se acometerá no que vén grazas á colaboración de ambas as dúas administracións, local e autonómica.

O retraso no inicio da obra, explica a rexedora, ten a súa orixe na solicitude dun informe ao Concello por parte da Secretaría Xeral para o Deporte en marzo. Un documento que o tripartito encabezado polo popular Vidal Seage «non mandou», remitíndoo o actual bipartito BNG-PSOE en setembro. Unha vez feito, «falei co secretario xeral e díxome que xa non chegabamos a tempo para poder facer a obra este ano, pero comprometeuse a reservar a partida para o vindeiro ano», di Tocino.

A alcaldesa sinala que a intención do goberno local pasaba por aproveitar o retraso dun proxecto redactado no 2020 para propoñer que a ampliación se fixera nunha segunda estrutura ao outro lado da estrada «evitando que os rapaces atravesen unha vía con moito tráfico», pero consultado o presidente do Club Náutico Pontecesures, Ángel Barreiro, este preferiu manter o proxecto inicial para non ter que empezar de cero cunha nova redacción que non faría máis que retrasar as obras.

O que cambiou inapelablemente foi o orzamento. Dos 747.000 euros presupostados no 2020 pasouse a 1,312 millóns na previsión deste ano, dos que 597.000 lle corresponderá pagar ao Concello de Pontecesures. A alcaldesa subliña o peso do proxecto no modesto orzamento municipal de 2,2 millóns (un 28 %) e achaca á «desidia do PP local nos últimos 4 anos» que non estea xa materializado.

La Voz de Galicia

Por Redacción, hace

O Concello de Pontecesures ultima un proxecto alternativo ao polígono industrial de Tarroeira con vivenda e zonas verdes.

A proposta semella ir na liña da que no segundo lustro deste século promovera a Consellería de Vivenda na época do bipartito PSOE-BNG na Xunta de Galicia

OConcello de Pontecesures descoñece o punto no que a día de hoxe se atopa o proxecto de polígono industrial no lugar de Tarroeira impulsado polo Instituto Galego da Vivenda e Solo (IGVS), entidade dependente da Xunta de Galicia. Un proxecto que orixinou a oposición frontal dos veciños da zona e mesmo do Concello de Valga, co que lindan parte dos 326.000 metros cadrados que ocupará a iniciativa da Administración autonómica de plasmarse o seu plan orixinal. Algo ao que se opón o novo goberno local xurdido das eleccións do pasado 28 de maio, cun bipartito BNG-PSOE liderado pola nacionalista Maite Tocino dando un xiro radical á postura de apoio pechado á proposta do IGVS que mantiña o tripartito conservador encabezado por Vidal Seage (PP) no anterior mandato.

Maite Tocino afirmaba onte que «non sabemos en que está traballando a Administración autonómica» logo do revés que supuxo o informe, preceptivo e vinculante, que emitiu a Subdirección General de Explotación de la Dirección General de Carreteras do Estado a comezos da última primavera. Informe desfavorable que advertía da obriga dun estudo de tráfico e, no caso dunha afección significativa, dunha proposta de medidas correctoras para manter o nivel do servizo e da seguridade viaria, neste caso do treito da N-550 afectada polo proxecto.

Así as cousas, lonxe de manterse á espera, o novo goberno local leva meses traballando nun plan alternativo á construción do polígono que lle presentar ao IGVS para a zona de Tarroeira. A previsión de Maite Tocino é poder facelo antes de rematar este ano.

Fronte a pretensión do IGVS de encher o groso dos 326.000 metros cadrados con actividade industrial, previsiblemente pesada, a rexedora de Pontecesures exporá un plan que inclúa catro vectores de desenvolvemento: construción de vivenda colectiva, instalacións deportivas, zonas verdes e reserva dunha zona para negocios destinados a actividade loxística, comercial ou de servizos. Desta maneira, sinala Tocino: «Atenderemos catro necesidades que ten Pontecesures, aproveitando as zonas inundables da Tarroeira como espazos verdes» e facendo fincapé no tema da vivenda, por canto, engade, «a realidade é que Pontecesures ten unha demanda altísima tanto para alugueiro como para compra e non hai promoción de ningún dos dous tipos».

A proposta semella ir na liña da que no segundo lustro deste século promovera a Consellería de Vivenda na época do bipartito PSOE-BNG na Xunta de Galicia e respaldada polo goberno local espello en Pontecesures. Con todo, Maite Tocino subliña que se ben a filosofía é a mesma, o seu contido «está adaptado ás necesidades actuais de Pontecesures».

La Voz de Galicia

Por Redacción, hace

BNG e PSdeG-PSOE acordan gobernar Pontecesures en coalición.

A nacionalista Maite Tocino contará desta forma con 6 edís

Tres horas. Ese foi o tempo que lles levou aos representantes do BNG e do PSdeG-PSOE completar e asinar na tarde deste sábado o pacto d goberno co que se comprometen a xestionar xuntos o Concello de Pontecesures os vindeiros catro anos. Un acordo en liña coa histórica colaboración mantida polas dúas formacións de esquerdas ao longo do presente século na localidade do Baixo Ulla. Sen ir máis lonxe, durante os anos 2015 e 2016 coa nacionalista Cecilia Tarela como alcaldesa, ata que o seu entón terceiro socio de goberno, a TEGA de Ángel Souto Cordo, optou por cambiar de socios, virando o tripartito cara a dereita co popular Vidal Seage á fronte e Maribel Castro, de Independientes de Pontecesures, como a outra pata indispensable.

Foi a terceira xuntanza de traballo BNG-PSOE desde as eleccións do 28M. Unha reunión baixo o punto de partida do compromiso, nada máis coñecerse os resultados das municipais, dos socialistas liderados por Roque Araújo de apoiar cos seus dous concelleiros a cabeza de cartel do Bloque, Maite Tocino, como nova rexedora na súa condición de lideresa da forza progresista máis votada, con catro edís, un menos cós cinco de Seage (PP).

Cinco son os obxectivos comúns plasmados no pacto de goberno asinado por Tocino e polo responsable local do BNG cesureño, Alberto Rivas, e polos dous concelleiros do PSOE, Araújo e Conchi Gómez: mellorar a calidade de vida dos cidadáns do concello, fomentar a creación de emprego e promover políticas de desenvolvemento económico sostible, garantir a igualdade de oportunidades dos veciños, protexer e preservar o medio ambiente local e fortalecer a participación cidadá nos asuntos do municipio e da súa administración.

Reparto de áreas

Respecto á composición do goberno, despexada de antemán a titularidade da Alcaldía, o PSdeG xestionará a primeira tenencia de alcaldía e as concellerías de Promoción Económica e Emprego e Servizos Sociais, estas dúas últimas áreas, xestionadas polos socialistas no seu anterior paso polo goberno local, no que tamén levaban Deportes. A segunda tenencia de alcaldía e o resto das concellerías correrán a cargo do BNG.

A, desde o vindeiro sábado, día 17, futura alcaldesa de Pontecesures, Maite Tocino, amosa a súa satisfacción polo acordo acadado co PSOE: «Estamos en sintonía nos proxectos. Para concretalos, hai que agardar a entrar no Concello e coñecer a súa situación real».

La Voz de Galicia

Por Redacción, hace

Maite Tocino atribúe o cambio de terzo en Pontecesures ao enfado da xente co goberno de Seage.

O PSOE adianta o seu voto para que a nacionalista sexa nova acaldesa en substitución do popular

Pontecesures foi un dos concellos do sur de Arousa que virou electoralmente na noite do 28 de maio. Tras sete anos de tripartito de dereitas, o Partido Popular semellaba en disposición de conseguir a maioría absoluta ante a incomparecencia dos seus dous socios, TEGA e Independientes de Pontecesures (IP). Pola contra, o PP só foi quen de elevar en 163 os seus votos, dos 520 do 2019 aos 683 de antonte, que sumados aos 59 de Vox, que quedou fóra da nova corporación municipal, supoñen 150 menos cos 892 da suma dos populares e os obtidos polos dous socios que mantiñan na alcaldía a un Juan Manuel Vidal Seage ao que non lle bastou con medrar de 4 a 5 concelleiros.

A gran triunfadora o domingo foi a candidatura do BNG, renovada con Maite Tocino á fronte do cartel. Os seus 545 votos foron case o dobre cos 297 acadados na convocatoria anterior coa exalcaldesa nacionalista Cecilia Tarela á fronte da lista, pasando así de 2 a 4 concelleiros. Xunto aos 2 do PSOE, que perdeu un edil ao caer dos 434 aos 378 sufraxios, Tocino converteráse o 17 de xuño na nova rexedora de Pontecesures. E iso será así en tanto o líder local do PSOE, Roque Araújo, confirmaba onte o apoio da súa formación á investidura, pendentes ambas partes de decidir a nivel interno e entre si a formación dun bipartito ou un mandato do BNG en minoría.

«Nós agardabamos subir. Contabamos con facelo nun concelleiro. Pensabamos que a posibilidade do sorpasso ao PSOE ía estar aí, aí. Ao final decantouse máis cara nós», comentaba onte a futura alcaldesa.

Fronte á relativa sorpresa polos grandes resultados da súa formación, o que non estraña o máis mínimo a Maite Tocino foi o cambio de cor do goberno local: «Analizando como está a nosa vila, o traballo do equipo de goberno e o que a xente nos transmitía, contabamos cun cambio. No último ano e medio o ambiente entre o pobo fíxose moi belixerante, a xente estaba moi enfadada, moi desgustada porque desde o Concello non lles solucionaban os seus problemas. No goberno local non o souberon ou non o quixeron ver e o resultado está aí».

A líder do BNG vai máis aló da oposición ao proxecto dun polígono industrial no lugar da Tarroeira impulsado pola Xunta co apoio do tripartito de Seage: «Houbo unha desatención integral da vila e do rural, da limpeza, cun páramo no tema cultural e despreocupados das entidades deportivas». E fronte a iso, o BNG presentou, di Tocino, «o moito traballo que levamos feito nestes sete anos na oposición, tanto na corporación coma falando cos colectivos sociais, traballando para tratar de resolver os seus problemas».

Este xornal tratou de coñecer onte a valoración do inda alcalde, Vidal Seage, dos resultados electorais do PP, sen éxito.

La Voz de Galicia

Por Redacción, hace

El BNG recuperará la Alcaldía de Pontecesures en alianza con el PSOE de Roque Araújo.

El PP de Vidal Seage mejora sus resultados y vuelve a ganar las elecciones, pero no le llega.

Maite Tocino.

Maite Tocino.

El BNG volverá a gobernar Pontecesures, si el PSOE de Roque Araújo quiere, y querrá. María Teresa Tocino Barreiro, Maite, será la nueva alcaldesa tras lograr el Bloque la suya y tres actas más: Alberto Rivas de Jesús, Jorge Janeiro y María Pilar García.

Son solo 4 en una Corporación de 11, pero con el apoyo del PSOE, representado por el citado Roque Araújo y Concepción Gómez, alcanzan la mayoría.

La Corporación se completará con el PP del aún alcalde Juan Manuel Vidal Seage, que mejoró los resultados de 2019 y consiguió cinco actas para su formación, la suya y las de Laura Villar, José Ramón Cadilla, Silvia Fernández y Ricardo Riveiro Pérez. Es cierto que ganó las elecciones, pero no le basta para seguir gobernando.

Se pone así fin al gobierno tripartito que presidió Seage en el mandato ahora finiquitado, en el que se integran dos grupos independientes que en su día se habían separado del PP. Esta vez la derecha acudió unida a una cita electoral en la que se presentaba Vox, que no obtuvo representación alguna.

Faro de Vigo

Por Redacción, hace

El PSOE ratifica a Roque Araújo como candidato a la Alcaldía de Pontecesures

Roque Araújo volverá a ser el candidato del PSOE en Pontecesures

Roque Araújo repetirá como cabeza de lista del PSOE para optar a la Alcaldía de Pontecesures. Así lo decidió ayer la agrupación socialista de la localidad. El candidato explica que «estou con toda a ilusión e teño toda a forza para darlle futuro á nosa vila». Araújo encabezará lo que él mismo define como «un proxecto progresista que quere aglutinar o descontento que provocou a xestión do PP no concello de Pontecesures» porque «hai outra forma de gobernar, máis próxima á xente, con humildade e soberbia».

Araújo expresa que su aval para presentarse en mayo es el haber «liderado a oposición sendo crítico co goberno municipal, pero tamén facendo un labor construtivo e buscando o diálogo, cousa que sempre foi rexeitada pola actitude prepotente do señor Seage». Dice el alcaldable que «o momento do cambio xa chegou».

Pontecesures es una localidad con tendencia al multipartidismo. De hecho en estos momentos gobierna un tripartito con el popular Vidal Seage al frente apoyado por Tega y Independentes por Pontecesures. A partir del próximo 28 de mayo todo puede cambiar.

Diario de Arousa

Por Redacción, hace