Nun prazo de dous meses será instalado o piso de caucho no paso a nivel de Porto.
O Xefe de Mantemento e Conservación de Infraestruturas de ADIF en Ourense ven de confirmar esta boa nova relacionada co paso a nivel de ferrocaril da praza dos Valeiros de Porto. O caucho xa foi subministrado pola Dirección de Pasos a Nivel de ADIF en Madrid á Xefatura citada de Ourense, e agora tan só está pendente a adxudicación, por parte deste último organismo, do contrato da obra específica de colocación do pavimento no paso a nivel, unha vez rematado o correspondente procedemento licitatorio.
Este novo pavimento, xa foi solicitado en varias ocasións a ADIF polo mal estado que presenta o entablonado actual (tablas frouxas que ocasionan ruidos e riscos na circulación de vehículos e no tránsito de peóns). Por razóns orzamentarias, a actuación estase a demorar en exceso co conseguinte prexuizo, fundamentalmente, para os veciños de Porto.
Dende o concello estanse a realizar, perante estos días, todo tipo de xestións para que o cambio de pavimento do paso a nivel sexa unha realidade canto antes.
Luis Ángel Sabariz Rolán
0 comentarios