La gran esperanza.

Xoxó · 7-11-2008 a las 04:45

�? meu parecer, existen claros motivos para considerar que as eleccións estadounidenses teñen e terán consecuencias, no só en Galicia, senón na Cochinchina e outras partes de mundo. Ahí van uns puntos para o debate:

1) Coma exemplo máis claro empezo polo peto. Hai ano e medio saíu a flote nos USA a historia das hipotecas «basura». Mentres, por Galicia inda había bonanza. Agora Galicia está a punto de entrar en recesión e cun paro que disque pode chegar ó 15% no conxunto de España. Sen ir máis lonxe, en Citroen-Vigo as vacacións do Nadal empezan este ano o 11 de decembro.
Podemos seguir pola inxección de cartos públicos (dos galegos tamén) ó sistema bancario español por parte do goberno, a depreciación do Euro, a recesión inminente na UE, etc. Este punto daría para un vademécum, así que non vou seguir por aquí.
¿Como pode afectar a elección de Obama a Galicia neste asunto? A diferencia de McCain, Obama pretende regular os mercados. De feito, Obama foi insultado co termo «socialista» pola campaña de McCain por falar de regulación. Espérase que nun mercado «controlado» sexa máis difícil a avaricia a curto prazo de sistemas bancarios e financeiros desregulados que os leven á súa propia bancarrota para que despóis os gobernos teñan que rescatalos e evitar que a poboación, á súa vez, entre en bancarrota.
En fin, parece certo eso de que cando os USA espirran, o mundo colle unha boa. As reformas económicas de Obama centraranse en evitar que os USA volvan espirrar o que, sen dúbida, terá un impacto positivo para Galicia a medio-longo prazo.

2) Unha das cuestións centrais da campaña ianqui foi a dependencia petroleira. Os USA consumen actualmente ó 25% do petróleo mundial e, en consecuencia, producen ó 25% da polución mundial derivada do petróleo. McCain propuso como solución o «perfora, baby, perfora» nas terras e nas costas dos USA para non ter que comprarlle o petróleo a Irán e Venezuela e seguir contaminando o mundo. Pola contra, Obama basa o seu plan enerxético na inversión en investigación en enerxías alternativas que, a longo prazo (el propón 10 anos) eliminaría a dependencia do petróleo porque, simplemente, non fará falla. Pode ser utópico, pero por ahí se empeza. Por certo, parte de esa inversión estará destinada a investigar tecnoloxía de «carbón limpo» e regalarlle a China esa tecnoloxía para que deixe de producir as inxentes cantidades de CO2 que produce (o 80% da polución china, que non é pouca, provén da queima de carbón).
Finalmente, prevese que baixo o mandato de Obama os USA se comprometan a reducir emisións e firmar protocolos tipo Kioto ou o que veña despóis de 2012. A política de McCain sería máis «independente», é dicir, pasarse polo forro Kioto coma fixo o goberno de Bush.
¿Como afectará o futuro presidente a Galicia? Pois, cando non gris, o ceo seguirá sendo azul (se Finsa o permite) e poderemos seguir bañándonos na Lanzada por moitos anos. Ademáis, apostaría un viño a que dentro de 10 ou 15 anos estarase usando tecnoloxía «limpa» en Galicia desenvolta nos USA durante o mandato de Obama.

3) Das guerras, para que falar. �? veterano McCain non lle chegou con que lle romperan as clavículas en Vietnam (de ahí o do playmobil), senón que está ansioso de batallitas con Irán, Venezuela e Corea do Norte, e quérelle buscar as cóxegas a Rusia. Pola contra, Obama está aberto ó diálogo sen condicións con todos eses países (os USA non falan con Irán dende 1980), algo polo que foi criticado polos republicanos que prefiren o material bélico.
¿Como afectará a elección de Obama a Galicia? En primeiro lugar, evitaremos situacións vergoñentas coma que un presidente español mande soldados galegos a buscar armas de destrucción masiva a Irak. En segundo lugar, a destabilidade económica mundial (tamén galega) a curto-medio prazo estaría garantizada se se vai á guerra con Irán ou calquera outro país. Nin que falar das consecuencias de buscarlle as cóxegas a Rusia. Por último, os venezolanos (con todos os seus galegos), poderán decidir internamente o que queren, sen inxerencias do norte.

4) Programas de investigación científica. Os USA son o referente mundial de investigación no século XX. Sen ir máis lonxe, se agora estou escribindo nesta páxina e existe a WWW é gracias a inversión gubernamental ianqui na investigación que dou orixe á rede. Nos tempos modernos, e por poñer un só exemplo, Obama está a favor da investigación con células nai, algo vetado por McCain.
¿Cómo afectará a elección de Obama ós galegos? Pois ó millor, cando me saia un cancro non morro del grazas ós científicos pagados polo goberno estadounidense baixo o mandato de Obama para que investigaran na prevención ou cura de enfermedades hoxe en día incurables. E coma son galego, temos outro exemplo de impacto para Galicia.

Ahí quedan catro exemplos. �? meu xuizo, a elección presidencial nos USA afecta a todo o mundo. Inda diría que Obama vai ter máis influencia en Galicia que Zapatero 🙂 Non só eso, se non que se realmente resulta que trae un modelo político-económico novidoso e positivo, será exportado en maior ou menor medida á maioría dos gobernos occidentais, como ven sucedendo dende que estableceron a primeira «democracia moderna» alá polo 1789.

Outra cousa é, coma ben di Cachote, que os medios de comunicación bombardeen cun tema que queda lonxe, e cheguen a resultar cansinos. Pero a culpa non é de Obama.

Ahí queda eso.