ADIF arranxa o alumeado da marquesiña principal da Estación de FFCC de Pontecesures.

Logo de solicitalo o Concello de Pontecesures, nesta semana persoal dependente de ADIF procedeu ao arranxo deste alumeado que presentaba deficiencias nos últimos tempos. Agora quedan pendentes algúns traballos de limpeza no andén segundo.
O concello agradece a ADIF a rápida reacción, engadindo que pretende que se manteñan o mellor posible os espazos ferroviarios para fomentar o uso do tren. Lémbrase que o aumento de viaxeiros que suben ou baixan na estación de Pontecesures é notable durante este ano 2010.