¿Por que non realiza traballos a excavadora municipal de Pontecesures?

Dende outubro pasado en que prestou servizos por avaría de auga nun dos marxes da Avda. de Vigo (por certo quedou unha noite no terreo da avaría á intemperie coas correspondentes críticas), pouco ou nada se ve esta máquina prestando servizos nas rúas. Fora adquirida a mediados de 2015 por uns 18.000 euros con subvención parcial do Fondo de Compensación Ambiental.
A adquisición foi criticada no seu día por tratarse dunha máquina de segunda man con dez anos de antigüidade, por non ter o concello un camión para trasladada e por carecerse de persoal cualificado para manexala. Ademáis considerouse non rendible o investimento polo pouco uso que ía ter, preferíndose outro tipo de máquina máis axeitada ás necesidades municipais.
Pois ben; co paso do tempo amosase que as críticas estaban bastante fundamentadas.