Pontecesures

Web non oficial de Pontecesures

Usted está aquí: Inicio / Archivos paraCONCELLO DE PONTECESURES

CONCELLO DE PONTECESURES

MELLORAS NAS INSTALACIÓNS DO CPI E ESCOLA INFANTIL DE PONTECESURES.

por Dejar un comentario

De cara ao inicio do vindeiro curso escolar 21/22, o Concello de Pontecesures, en colaboración coa dirección do centro, está a coordinar as labores de limpeza, mantemento e mellora do CPI Pontecesures.

Aos arranxos precisos para garantir o bo funcionamento do centro, súmanse as labores de pintado de diversas áreas na zona exterior e peche perimetral, destinadas a mellorar notablemente a percepción do complexo educativo.

Por outra banda, grazas ao compromiso por parte da Delegación Territorial da Consellería de Educación da Xunta de Galicia, logo de ser informados da necesidade desta actuación por parte do Concello, nos vindeiros días, darase inicio ao proxecto de pintado da práctica totalidade das aulas que conforman o edificio de Primaria e Secundaria, así como das zonas comúns do mesmo.

Estos traballos completan as obras de rehabilitación integral e mellora da eficiencia enerxética acometidas no pasado curso por un importe de 762.000 €

Asimesmo, o persoal do servizo de obras do Concello está a levar a cabo as actuacións pertinentes nas instalacións da Escola Infantil Municipal de Pontecesures para dar acollida ás/aos cativas/os no novo curso, que dará comezo o próximo 1 de setembro.

AXUDAS DA XUNTA DE GALICIA PARA A OBTENCIÓN DOS PERMISOS DE DE CONDUCIR B e C.

por Dejar un comentario

Requisitos dos solicitantes:

  • Ter máis de 18 anos ou a idade requerida para o permiso de clase C.
  • Estar inscrito no Sistema Nacional de Garantía Xuvenil (16-30 anos).
  • Estar empadroado en Galicia ( cunha antigüedade mínima de empadroamento de 1 ano).

Axudas de 400 € para o carné de clase B e de 650 € para o de clase C.

Prazo de solicitude ata o 13 de setembro de 2021.

Nesta convocatoria é obrigatoria a presentación da solicitude por medios electrónicos, polo que é necesario dispoñer de CERTIFICADO DE FIRMA DIXITAL, DNI ELECTRÓNICO ou CHAVE365.

Descarga a convocatoria oficial no Diario Oficial de Galicia no seguinte link:

AXUDAS-CARNE-B-C-BS321A-2021Descarga

REMATE DAS OBRAS “REURBANIZACIÓN DA BEIRARRÚA DEREITA NA RÚA DOCTOR MOSQUERA”

por Dejar un comentario

Veñen de finalizar as obras de “REURBANIZACIÓN DA BEIRARRÚA DEREITA NA RUA DOCTOR MOSQUERA”

As obras consistiron na reurbanización da beirarrúa dereita da Rúa Doctor Mosquera nunha lonxitude de 360 m e coa renovación das redes de abastecemento, pluviais e das luminarias existentes por outras de maior eficiencia enerxética.

Para a execución desta actuación foi imprescindible realizar inicialmente un by-pass na Rúa Portarraxoy de Pontecesures que permitiu realizar a obras sen deixar sen servizo de abastecemento aos veciños da zona.

Nas zonas dos sobreanchos das beirarrúas colocáronse bancos de formigón coloreado executados “insitu” con asento e respaldo de madeira de iroko tratada en autoclave, papeleiras de estrutura interior metálica e exterior con listóns de madeira tropical tratada, plantación de árbores de ámbar con alcorques de pavimento drenante unha varanda de aceiro inoxidable para salvar un desnivel existente.

Fíxose tamén o repintado da sinalización horizontal existente, debido ao seu deterioro durante a execución das obras, o pintado do resalte a executar, dous símbolos de limitación de velocidad a 30 Km/h e a recolocación da sinalización vertical e os contenedores existentes.

A obra foi executada pola empresa Nemesio Ordóñez S.A. por un importe de 114.649,87€ financiados na súa totalidade pola Deputación de Pontevedra a través da Liña 1 do Plan Concellos (POS 2019).