O número gañador do sorteo celebrado hoxe da campaña «PONTECESURES PRÓXIMO» é o 31653 vendido na carnicería TINO CARBIA.
Sin Categoria
10º SORTEO DA CAMPAÑA «PONTECESURES PRÓXIMO»
Mañá venres dia 8 de Outubro terá lugar as 13.00 h no Salon de Plenos na Casa do Concello o DÉCIMO sorteo da campaña “Pontecesures Próximo”. A entrada será libre ate completar o aforo máximo de 25 persoas. Animamos a que calquer comerciante, hostaleiro, veciñ@ que queira asistir se achegue ate a Casa do Concello para presenciar o sorteo e incluso ser a persoa que extraia a papeleta gañadora do vale por importe de 250€.
Sin Categoria
CORTE DE AUGA NA XORNADA DO VENRES 8 DE OUTUBRO (EDIFICIO AVENIDA DE VIGO, 18)
SERVIZO MUNICIPAL DE AUGAS
AVISO DE CORTE DE AUGA
Na xornada de mañán –VENRES 8 DE OUTUBRO-, debido a unha avaría na rede de abastecemento de auga, procederáse a un corte no subministro que afectará á seguinte zona:
- EDIFICIO AVENIDA DE VIGO, 18
O tempo aproximado do corte no subministro de auga será dende as 09.30 ata ás 12.30 horas. Recoméndase a tódolos veciños que fagan acopio de auga para dispoñer da mesma no devandito horario.
Sin Categoria
OBRAS DE MELLORA DO CAMIÑO DE ACCESO A GROBAS.
O Concello de Pontecesures está executando as “Obras de Mellora do camino de Acceso a Grobas”.
Esta actuación consiste nunha actuación integral de mellora do antedito viario, no tramo que se atopa en peor estado, que é o que vai desde o inicio do mesmo na PO-214 ata Grobas.
Actualmente os camiño contan cun pavimento de aglomerado asfáltico e unha sección constante de 5,80 metros, agás no enlace coa PO-214, onde se amplía a sección ata os 10 metros.
O firme presenta un estado batante heteroxéneo, pero atópase en xeral bastante deteriorado polo intenso uso e pola forte pendente, con moitas zonas nas que o pavimento asfáltico está agrietado e desagregado, chegando a formarse fochancas nos puntos máis conflitivos.
O viario necesita, ademais dunha renovación da súa capa de rodadura, dunha limpeza de marxes, tanto por cuestión de seguranza do tráfico (rodado e peonil) como para mellorar a durabilidade do asfalto.
As obras executadas para a mellora da súa pavimentación son as seguintes:
– Limpeza de marxes
– Fresado de 5 cm do aglomerado asfáltico actual nos enlaces
– Varrido do firme actual por medios mecánicos
– Rego de adherencia
– Capa de 6 cm de MBC tipo AC16 surf D-12
– Marca vial continua mediante pintura reflexiva con microesferas de vidro.
Esta obra foi adxudicada á empresa Nemesio Ordóñez S.A. por un importe de 30.960,28€ dos que 25.587,01€ son financiados pola Xunta de Galicia a través do AGADER e 5.373,27€ pola Deputación de Pontevedra a través do Plan Concellos 2021 Liña 1.
Sin Categoria
A BANDA DA LOBA na Plazuela de Pontecesures.
O concerto encádrase nos actos da Xunta polo Día das Letras Galegas
A BANDA DA LOBA rende tributo a Xela Arias, a escritora, poeta, editora e tradutora á quen este ano vai adicado o Día das Letras Galegas. Este quinteto feminino, que mestura música tradicional e vangarda, actuará o vindeiro venres 8 de Outubro na Plazuela a partires das 20 horas.
A iniciativa, que conta co apoio da Secretaría Xeral de Política Lingüística e forma parte da programación institucional das Letras Galegas 2021 da Xunta de Galicia. Entrada gratuíta ate completar aforo.