Web non oficial de Pontecesures

Ás dúas procesións de Venres Santo saíron ás 11 horas, e a primeira en chegar á Plazuela foi a da Virxe das Dores que viña da Praza dos Valeiros de Porto.

A que portaba a imaxe de Xesús coa cruz a costas, que saiu de Carreiras, chegou á Plazuela ás 11:50 horas, logo de que perante o percorrido houbera varias paradas nas que o párroco Arturo Lores daba letura as pasaxes biblicas sobre a paixón de Cristo.
Despois do encontro e unha vez que tivo lugar a interpretación dunha peza por parte do Coro da Barcarola, o pai Isorna, dende o balcón do Tele Bar, pronunciou o Sermón das Sete Palabras baseado nas expresión de Xesús na cruz.

Unha vez rematado o sermón e a actuación do coro, e coas imaxes e os asistentes xa na Igrexa, o párroco agradeceu ás Comisións de Festas de Porto e de Carreiras (os costaleiros foron membros de ámbolos dous colectivos), ó pai Isorna, e ó Coro de A Barcarola a colaboración nos actos, mostrándose satisfeito pola presenza dos numerosos asistentes.