Facendo uso dunha grúa de considerables dimensións, se están a realizar na FINSA obras para que non saian a atmósfera os gases da prensa que así serán reutilizados na fábrica. Este era un compromiso da empresa para estes primeiros tres meses de 2008, co fin de mellorar o aspecto ambiental.
Segundo comenta a empresa, houbo a rotura de algún elemento por mor dar obras, e isto provocou a saída ás 16,30 de gran cantidade de fibra de madeira qué afectou ó río durante uns minutos.
Sociedade
As partículas de fibra de madeira de FINSA cubriron as augas do río Ulla na tarde de hoxe.
Sobre ás 16,30 horas do día de hoxe, a fibra de madeira procedente de FINSA, cubreu prácticamente o río como un manto. E coma se estivese a nevar con copos de fibra de madeira.
Unha vez máis, o feito alarmou á poboación que está cansa de soportar a contaminación aérea que temos.
Mañá darase conta do feito á Consellería de Medio Ambiente.
Sociedade
Caída de varias árbores na pista de Fenteira.
Varias árbores (pino-puntal) caíron no día de hoxe por mor do temporal na pista que une o lugar de Fenteira coa estrada autonómica Pontecesures-Baloira. Os pinos impiden o tránsito de vehículos por dita pista.
Sociedade
Falecemento de Rogelio Vigo Rey, xogador de futbito do Valdeza-Bar Juan.
Rogelio Vigo Rey era un rapaz, entre outras cousas, moi coñecido na comarca por xogar o futbito en Valga os domingos no Campionato de Veteranos no equipo Valdeza-Bar Juan. Falecía hoxe martes dia 15 de xaneiro ós 48 anos de idade.
Sala velatoria número 1 do Tanatorio Vilagarcia (Estrada de Cea-O Vento).
O mércores 16 será as 16:30 a condución do seu cadáver dende o Tanatorio Vilagarcia á igrexa parroquial de San Pedro de Dimo.
Haberá tres autocares. 1º-Sae ás tres da tarde de Coaxe por Dimo ó tanatorio; 2º-Sae ás tres de Cerneira por Cordeiro, Moldes, Vilar, Santa Baia, Catoira (igrexa, centro médico) ó tanatorio. O 3º sae as dúas e media de Lestrove por Tallós, Igrexa de Laiño, Imo, Bexo, Isorna (Souto) ó tanatorio.
Descanse en paz.
Sociedade
O temporal está a causar danos en Pontecesures.
Así nas últimas horas, caeu derrubada, por mor do vento, unha barreira do paso a nivel de San Xulián (rúa Cantillo). A estas horas a deficiencia xa foi corrixida por persoal de ADIF.
Tamén unha das árbores pequenas do paseo peonil que vai dende o paso elevado pola N-550 ata o CPI Pontecesures (paseo «verde»), caeu arrancado polo vento.
Por último, tamén están afectando á estrada autonómica Pontecesures-Baloira, unhas árbores que caíron sobre a mesma despois da ponte sobre a Autopista (lémbrase que é o vial que vai para A Estrada). Forzas da Garda Civil dirixíanse á zona a primeiras horas da tarde.
Concello
Proposta para que o concello apoie a nominación da Torre de Hércules como Patrimonio da Humanidade.
O PRESIDENTE DO INSTITUTO DE ESTUDIOS TORRE DE H?RCULES VISITA MA?Á PONTECESURES E SOLICITARÁ O APOIO PARA A CANDIDATURA DA TORRE DE H?RCULES A BEN CULTURAL PATRIMONIO DA HUMANIDADE.
Para as 13 horas do día 16 de xaneiro, e na Casa do Concello está prevista a visita de D. Segundo Pardo Ciórraga de Santos, presidente do IETH para solicitar que o Pleno de Pontecesures acorde apoiar a candidatura da Torre de Hércules, que foi designada como candidata española polo Consejo del Patrimonio Histórico Español, para que este monumento sexa nomeado pola UNESCO coma ben patrimonio da humanidade.
O presidente manterá unha entrevista coa alcaldesa e con membros do goberno local para expoñer persoalmente a pretensión e para facernos entrega dos traballos sobre o monumento presentados diante das autoridades competentes.
Pontecesures, 15 de xaneiro de 2008
Luis Angel Sabariz Rolán