Web non oficial de Pontecesures

Finou «Maruja a de Antonio».

Aos 72 anos de idade morreu a veciña do Castro, 15, Mª Flora Buceta Vigo, que estaba casada con Antonio González González. O velorio está instalado no Tanatorio Iria Flavia de Padrón. Hoxe venres ás 17 horas terá lugar o funeral na Igrexa de Pontecesures. Os restos mortais recibirán sepultura logo no cemiterio parroquial de Campaña.

Descanse en paz.

Por Redacción, hace

Portos destinará 100.000 euros a construír un pantalán de pasaxe en Pontecesures.

 Portos de Galicia investirá preto de 100 mil euros na construción dun pantalán de pasaxe en Pontecesures. A obra atópase en tramitación ambiental previa á saída a licitación, e contempla tamén a ampliación do pantalán da escola de vela da vila.

Portos de Galicia construirá un novo pantalán de pasaxe no porto de Pontecesures. O ente autonómico destinará preto de 100 mil euros a esta intervención, que suporá tamén a ampliación do actual pantalán da escola de vela.

O pantalán terá acceso na rampla de descarga fronte á praza de abastos, e contará cunha porta metálica, a pasarela de 16 metros e dous metros de paso. Dende Portos destacaron a importancia deste equipamento; máis aínda ás portas do Xacobeo 2021.

Hai tempo que o concello demanda esta intervención, que mellorará o servizo que ofrece o porto cesureño ao tráfico de pasaxeiros.

Na actualidade, a obra atópase na fase de tramitación ambiental. Trátase do paso previo á súa saída a licitación. A intención dende Portos é axilizar os prazos o máximo posible.

Canal 7 Rías Baixas

Por Redacción, hace