Por 1-2 gañou o equpo cesureño ao Bahía e agora vai 5º no grupo IV da liga de fútbol de veteráns con 19 puntos, logo de 9 partidos xogados. O vindeiro sábado recibe en Pontecesures ao Bueu que vai no posto 8º.
Deportes
O Salud de Valga gañou en Mourente.
Por 2-3 gañou o equipo de Valga de fútbol de veteráns. Agora marcha 12º na táboa dentro do grupo VI e o vindeiro sábado recibe ao Limpiezas Floriani.
Concello
Importante mellora no pavillón municipal de Pontecesures.
No día de hoxe, reanúdase a actividade neste pavillón municipal que se atopa situado a carón do CPI Pontecesures. Dende hai tempo pavimento presentaba problemas polo seu estado esbaradizo que ocasionaba verdadeiras dificultades para a práctica deportiva. Logo de realizar varias probas, adoptouse a decisión de botar unha capa de laca ou barniz. Os traballos foron realizados dende o venres pasado e hoxe, co producto qúimico totalmente seco, reanudarase a práctica deportiva para os clubs e para as clases de educación física do CPI Pontecesures.
Logo de realizar as comprobación oportunas, parece que os problemas do solo van desaparecer por un bo espazo de tempo e iso é un motivo de satisfacción do goberno local que atende a demanda dos clubs deportivos de fútbol sala e de baloncesto que consideraban fundamental a actuación.
Concello
Traballos de mellora do solo do pavillón de Pontecesures.
Dende hai tempo, o solo do pavillón municipal presenta problemas polo seu estado esbaradizo, afectando esta situación á práctica deportiva con riscos de caídas. Foron xa varias as queixas transmitidas por esta deficiencia.
Por esta razón, nesta data, a empresa Construcciones Caamaño de Pontecesures, comezou os traballos de acondicionamento da pista, botando unha laca ou barniz ao actual pavimento para lograr a adherencia do calzado dos deportistas. Con carácter previo fixéronse varias probas con distintos productos ata lograr o máis axeitado.
O goberno local optou por esta solución, válida para un tempo máis o menos longo, pero xa hai que ir pensando na substitución do actual pavimento de formigón pulido, que xa ten uns dez anos de vida. Esta instalación esta a ser moi utilizada con equipos federados de baloncesto, coa súa escola infantil, e fútbol sala (pequenos e maiores). Ademais tamén hai actividades de tenis, patinaxe e outras actividades extraescolares. Tamén se desenvolven no recinto parte das clases de educación física do CPI Pontecesures que se atopa a carón do pavillón.
Por mor dos traballos o pavillón permanece pechado, como mínimo ata o martes próximo, día 2 de novembro.
Deportes
O Joyería Riveiro goleado na casa en fútbol veterán.
O Joyería Riveiro de Pontecesures sufríu un serio revés fronte o favorito ao título ligueiro, o A Lama Veteranos, 0-4, dentro do grupo IV da liga.
Deportes
Claro triunfo do Salud de Valga en fútbol veterán
O Salud Veteranos levouse o derbi co Armenteira, 3-0 en Valga, dentro do grupo VI da liga.