Pousa Antelo

Este é o destino das axudas que Pontecesures solicita do plan Máis Provincia

Renovar a web a obras son algunhas das actuacións previstas.

O Concello de Pontecesures vén de facer públicas as actuacións que pretende executar con cargo aos fondos do Plan Máis Provincia da Deputación de Pontevedra: deseño e desenvolvemento da nova páxina web do Concello por importe de 7.139 euros; completar o financiamento para a reordenación do inicio da rúa Carlos Maside, que supón un investimento de 436.387.65 euros; proxecto de reforma da rúa Raimundo García Domínguez Borobó que ascende a 225.452 euros; subministración de material para a escola infantil municipal por valor de 5.000 euros; pago a acredores e gasto corrente para financiar, entre outras, a Festa do Centenario do Concello de Pontecesures, as festas do churro e do Carme e cursos de formación.

Grazas a outra liña de axudas xa concedida no Máis Deputación, o Concello poderá contratar a tres traballadores para obras e limpeza.

Dentro da liña 4 do plan, o Concello de Pontecesures solicitou 10.568 euros destinados ao financiamento da redacción do proxecto denominado «Mellora da mobilidade peonil no ámbito da rúa Pousa Antelo».

La Voz de Galicia

Por Redacción, hace

Lembran a Avelino Pousa Antelo no décimo aniversario do seu pasamento.

O 19 de agosto, coincidindo con décimo aniversario do seu pasamento, Teo recordará a Avelino Pousa Antelo. O acto inclúe a entrega do Caxato de Avelino a Xaime Félix Arlindo, persoa moi vinculada ao galeguista, así como ao alumno deste Valentín Arias. O mantedor do acto será este ano Baldomero Iglesias Dobarro, Mero.
Logo da entrega do caxato, haberá unha ofrenda floral no monólito dedicado a Pousa Antelo na urbanización de Os Verxeis.

La Voz de Galicia

Por Redacción, hace

OBRAS NA INTERSECCIÓN RÚA AVELINO POUSA ANTELO – RÚA ULLÁN E NA PO-214 TRAMO RÚA ULLÁN.

O próximo luns 30 de maio de 2022 a empresa Marconsa comezará as obras de colocación dus semáforos que regulen a saida dos vehículos do Colexio de Infesta entre as Rúas Avelino Pousa Antelo e a Rúa Ullán.

Tamén se levantará o paso de peóns na entrada de Infesta e se colocaran unha serie de reductores de velocidade na PO-214, Pontecesures-Baloira, no tramo de Rúa Ullán.

Esta obra vai ser executada pola Consellería de Infraestruturas e Mobilidade da Xunta de Galicia para dar solución ás queixas dos veciños desta zona pola peligrosidade vial deste tramo.

Por CONCELLO DE PONTECESURES, hace

Libro e placa para Pousa Antelo, novo fillo predilecto bañés.

 

Nora e Xela Pousa, as fillas do homenaxeado, co edil Ramos, 3º esqu., e o alcalde.

A Corporación da Baña aprobou, o día do seu aniversario e por unanimidade, nomear fillo predilecto a Avelino Pousa Antelo, un veciño nado hai 108 anos que, segundo as súas propias palabras, dedicou toda a súa vida “a desenvolver a conciencia galeguista e a traballar por unha terra máis libre, máis culta e máis dona do seu destino”.

Considerado un dos intelectuais máis activos na Galicia do s XX, é o segundo fillo predilecto que se nomea despois de que en 1998 tamén lle concedese esta distinción a García Barros.

Antes do xantar de confraternidade, e despois do pleno, celebrouse cas súas fillas Nora e Xela Pousa outro acto diante da casa da cultura, descubríndose unha placa na honra de Avelino Pousa, na que se lembra o seu nomeamento como fillo predilecto da Baña e resaltándose as múltiples facetas deste galeguista. E pra rematar, presentou o libro As paroladas de Avelino Pousa Antelo na Radio Galega. 

Por Redacción, hace

PROGRAMA DE EDUCACIÓN PARA PERSOAS ADULTAS do Concello de Pontecesures: Programa de formación educativa gratuíto.

PROGRAMA DE EDUCACIÓN PARA PERSOAS ADULTAS do Concello de Pontecesures: Programa de formación educativa gratuíto.

Infórmase que está aberto o prazo de inscrición para as actividades formativas para adult@s consistentes en clases de preparación para a obtención do título oficial de Educación Secundaria para persoas adultas (ESO).

As clases son totalmente gratuítas e poderán incorporarse todas aquelas persoas que queiran concorrer ás probas oficiais libres de maio e setembro que permiten obter o título de Graduado en Secundaria nun único exame tipo test e sexan maiores de 18 anos (16 anos no caso de contar con contrato de traballo ou outras circunstancias excepcionais).

As actividades realízanse en coordinación coa Consellería de Educación, Universidade e Formación Profesional da Xunta de Galicia.

Para solicitar praza, as persoas interesadas deberán dirixirse ás oficinas centrais do concello en horario de atención ao público, onde lles facilitarán o modelo de solicitude a cumprimentar, que tamén está dispoñible para a súa descarga na páxina web do concello www.pontecesures.org

Máis información na Aula de Educación para persoas Adultas no CPI Infesta (Rúa Avelino Pousa Antelo nº 2) de luns a xoves de 19 a 21 horas.

 ANEXO I SOLICITUDE EDUCACIÓN DE ADULTOS 2019
Por CONCELLO DE PONTECESURES, hace

CABALGATA DE REIS 2019, SÁBADO 5 DE XANEIRO.

As persoas participantes e colaboradoras na cabalgata deberán estar na nave de obras do Concello de Pontecesures (Rúa Avelino Pousa Antelo) entre ás 17.00 e 17.30 horas. Posteriormente, ás 18.00 h. a carroza real cos paxes e demáis colaboradores desprazaráse ata o peirao para recoller ás SS. MM. os Reis Magos.

A recepción dos Reis Magos no peirao, logo de que estos chegen a Pontecesures por vía fluvial, será ás 18.30 horas. Logo a carroza real -xa cos Reis Magos- fará un percorrido* polas rúas do centro urbán ata a Plazuela, con horario estimado de chegada ás 19.00 horas.

*PERCORRIDO: (Rúas) Travesía do Muelle, R. Estación, Rosalía de Castro, Sagasta, Víctor García, Novo Núñez (N-550), Avda. de Vigo (N-550), Ullán, San Lois e chegada na Plazuela.

Por CONCELLO DE PONTECESURES, hace