San Xulián

Mañá, 12 de outubro, festividade do Pilar en San Xulián.

Polá maña haberá pasarrúas a cargo do grupo de gaitas «Xarandeira» de Pontecesures.
Ás 12:00 horas terá lugar a Misa Solemne na Capela de San Xulián que será oficiada polo Párroco de Pontecesures, Arturo Lores Santamaría, e cantada pola Coral do Liceo Marítimo de Rianxo.
De seguido sairá a procesión coa imaxe da Virxe do Pilar e, para rematar os actos, actuará o grupo de baile «Xarandeira» de Pontecesures.

Organiza os actos a Asociación de Veciños de San Xulián, que convidou aos mesmos a todos os membros da corporación municipal de Pontecesures, e tanto o custo da misa como o do coro corre a cargo de Lucía Pardal Miguéns.

Por Luis Angel Sabariz Rolán, hace

Dolores Ferro Trasande recibe o premio do sorteo das Festas do Carme de Pontecesures.

Nota da concellería de relacións institucionais de Pontecesures.

Na mañá de hoxe, 31 de agosto, a alcaldesa de Pontecesures, Maribel Castro, entregou á veciña de San Xulián (Pontecesures), Dolores Ferro Trasande o premio do sorteo celebrado o derradeiro día das Festas do Carme 2010, entre as persoas que colaboraron cun donativo para sufragar o custo de ditas festas. Foi unha iniciativa do concello para incentivar a recadación.

O premio consiste na estadía para dúas persoas, en rexime de aloxamento completo e con servizo de SPA, no Hotel Carlos I de Sanxenxo os días 3, 4 e 5 de setembro de 2010.

Esta concellería quere salientar que se obtiveron máis de 18.600 euros para as festas entre os donativos ingresados na conta bancaria e os cartos recadados polas portas, e agradecer a todos os colaboradores o apoio económico para estas festas.

Por Luis Angel Sabariz Rolán, hace

Actuación do mago, Cayetano Lledó, o venres 13 en Pontecesures.

Dentro do programa «Camiños da Cultura», financiado pola Consellería de Cultura e polo Concello de Pontecesures, o venres día 13 de agosto, as 21 horas, o mago Cayetano Lledó presenta no Centro Social de Pontecesures (Camiño de San Xulián nº 4 – baixo) o espectáculo «Pequena Feira Máxica», que ten unha duración aproximada de 70 minutos.

Vaise desenvolver un espectáculo de maxia, con comedía e humor indicado para público familiar. Así haberá ilusionismo teatral con maxia musical, comedia, manipulación de cartas e bólas, malabarismo de contacto, clown, cambios de vestiario, mentalismo, telequinesía…

Dende o goberno local faise un chamamento aos veciños para que asistan a este divertido espectáculo.

Por Luis Angel Sabariz Rolán, hace

Ancheamento nun tramo da rúa do Castro en San Xulián.

Hai bastante tempo derrubouse parcialmente un muro de 18 metros que contiña a pista do Castro sobre un terreo municipal, permanecendo os sinais de perigo a carón do muro perante todo este tempo, tendo en conta que a zona en cuestión e moi transitada por vehículos e peóns ao estar nas proximidades do CPI Pontecesures.

Pois ben; nestes días comezouse a construir o novo muro por parte dos obreiros municipais, pero cunha importante novidade: Estase a anchear a pista en 1,5 metros, gañándose así 27 metros cadrados nun tramo estreito. Ademais de facilitarse o tránsito de vehículos e peóns pola rúa do Castro, a mellora vai posibilitar que os vehículos que baixan pola rúa Mimosas para San Xulián non teñan necesidade de facer manobras para incorporarse pola rúa do Castro. Así o xiro directo vai ser posible, eliminándose atrancos e retencións nesta intersección.

O goberno local segue coa súa política de tentar anchear os viais no posible para beneficio de todos.

Por Luis Angel Sabariz Rolán, hace