Os nacionalistas de Pontecesures cargan contra o polígono e agradecen o labor de Bará.

A nova da Voz recolle a nosa postura sobre o polígono. Grazas ó noso parlamentario Luis Bará pola proposición non de lei que vén de presentar no Parlamento e o noso apoio ós veciños afectados por este sinsentido.

A división do terreo en parcelas dunha superficie determinada (unha delas 61,000 M2) afianza a sospeita que esta feito a medida de empresas moi concretas por moito que o señor Seage repita nos plenos e ós propios veciños que él non sabe nada.

Se llo permitimos, borrarán e encherán de formigón unha zona chamada a convertirse no pulmón verde de Cesures, cun potencial turístico de calidade difícil de cuantificar.

A perda de calidade de vida dos veciños (contaminación acústica, ambiental e visual) e a degradación da zona urbanizada da Terroeira é indiscutible.

Quen, aínda así, xustifique a creación de postos de traballo debería considerar que o qué, con moita certeza, vai producirse aquí é o traslado de traballadores, non a creación de novos postos, nun entorno industrial que, a cambio, vai converter Cesures nunha vila fumegante e contaminada na que moi pouco xente vai querer vivir.

A cidade dormitorio na que Seage quere convertir a Cesures, idea da que falaba fai uns anos nun debate electoral en Canal Rías Baixas, está, co «ecopolígono» cada vez máis cerca.

BNG Pontecesures