Sin Categoria
CONCURSO INFANTIL DE CARTEIS DA ??XXII FESTA DA LAMPREA DO ULLA PONTECESURES?.
BASES
OBXECTIVO DO CONCURSO:
O Concello de Pontecesures convoca un concurso de carteis con motivo da celebración da XXII edición da Festa da Lamprea do Ulla que terá lugar o vindiero 2 de Abril de 2017.
O obxectivo é diseñar o cartel anunciador da XXII Festa da Lamprea do Ulla de Pontecesures coa finalidade de promover esta festa gastronómica do noso municipio.
PARTICIPANTES:
Poderán participar todos os nenos/as empadroados no Concello de Pontecesures que cursen Educación Primaria ou ESO. Cada participante poderá presentar unha única proposta a concurso.
TEMA E SOPORTE
A temática do cartel fará referencia ó mundo da lamprea, a súa pesca, gastronomía, tradicións, comercialización, etc.
As propostas serán entregadas en calquer soporte, tamaño mínimo A4 ( papel, cartulina, etc) e usando calquera das técnicas de debuxo ( acuarela, cera, lapis de cores, témperas, collage, etc..).
En tódolos traballos indicarase no reverso só o teléfono de contacto (preferiblemente móbil) donde poderá ser localizado en caso de resultar gañador.
PRESENTACI?N
Nas oficinas municipais. O prazo de entrega das propostas rematará ás 14:00 horas do día 24 de Febreiro de 2017.
XURADO
O xurado será nomeado polo Concello de Pontecesures e estará composto por representantes de distintos ámbitos sociais e culturais do Concello de Pontecesures.
Valorarase a creatividade, orixinalidade e relación co espíritu do evento.
Os premiados faranse públicos no taboleiro de anuncios do Concello de Pontecesures, na paxina web e nas redes sociais.
PREMIOS
O autor/a premiado terá un premio de un vale de compra de 50? en calquer establecemento comercial de Pontecesures e un lote de libros.
O autor cederá tódolos dereitos de publicación, tanto do cartel coma de calquera outra forma de impresión para programas, folletos, etc ó Concello de Pontecesures.
As obras presentadas a este concurso non serán restituidas, pasando a formar parte do arquivo gráfico do Concello de Pontecesures que terá tódolos dereitos de reprodución, distribución, comunicación pública e transformación.
En función da calidade das obras presentadas, o xurado poderá declarar deserto o premio.
O feito de participar no concurso implica o coñemento e aceptación por todos os concursantes das presentes bases.
Sin Categoria
EXPOSICI?N FOTOGRÁFICA «SORRISOS TRANSFORMADORES» E CHARLA ACERCA DA SENSIBILIZACI?N CO COLECTIVO TRANS (LGTBI).
EXPOSICI?N dende o 24 de xaneiro a 1 de febreiro de 2017 na Casa do Concello de Pontecesures. Horario da exposición de 9.00 a 14.00 horas.
A inauguración terá lugar o vindeiro martes 24 de xaneiro, ás 16:30 horas, na entrada da casa do concello. A continuación, ás 17:00 horas, no salón de plenos, comezará unha charla a cargo de Cristrina Palacios, presidenta da Asociación de Familias de Menores Trans. A exposición poderase visitar ata o próximo 1 de febreiro en horario de mañá.
Sorrisos trans*formadores» é unha iniciativa da Deputación de Pontevedra, en colaboración coa Asociación de Familias de Menores Trans* de Galicia (ARELAS), con fotografías de Noemí Chantada.
Baixo o lema «Respecta-defende-sensibiliza-iguala-vive-e deixa vivir» o proxecto busca a visibilización, sensibilización e naturalización do colectivo trans* para promover a igualdade de oportunidades, o respecto á diversidade e o dereito a ser diferentes.
Esta iniciativa trata de prever actitudes e comportamentos discriminatorios por orientación sexual ou identidade de xénero e combater o acoso escolar por estes dous motivos, favorecendo a visibilidade do alumnado LGTBI e a plena normalidade das orientacións sexuais e as identidades de xénero.
O proxecto «Sorrisos trans*formadores» comprende unha exposición fotográfica de visibilización positiva que inclúe imaxes de persoas alegres, orgullosas, que amosan unha parcela da súa vida que lles gusta, acompañadas dun texto que reflicte unha frase ou idea. De forma paralela desenvólvense diversas charlas informativas destinadas principalmente á comunidade escolar.
Sin Categoria
CORTE NO SUBMINISTRO DE AUGA NAS R?AS REDONDO E TARROEIRA PARA O MARTES 24 DE XANEIRO.
SERVIZO MUNICIPAL DE AUGAS
AVISO
Na xornada do martes 24 de xaneiro procederáse a un corte no subministro de auga potable, para levar a cabo reparacións na rede de abastecemento. As zonas afectadas polo corte serán as seguintes:
- Rúas: Redondo e Tarroeira (marxe dereito dirección Pontevedra) e Avenida de Arousa.
O tempo aproximado do corte no subministro de auga será dende as 9.00 ás 14.00 horas. Recomendase aos veciños destas zonas que fagan acopio de auga para dispoñer da mesma no devandito horario.
