CONCELLO DE PONTECESURES

Exposición fotográfica na biblioteca de Pontecesures: «Os rostros do comercio xusto».

CARTEL EXPOSICION FOTOGRAFICA BIBLIOTECA out2014web

A biblioteca de Pontecesures acolle a exposición sobre comercio xusto de Agareso e Amarante

As fotografías protagonizadas polo campesiñado de Ecuador propoñen unha reflexión sobre o consumo responsable e as achegas da cooperación internacional

 Pontecesures, 1 de outubro de 2014.- A biblioteca municipal de Pontecesures acolle desde hoxe a exposición ??Os rostros do comercio xusto??, da Asociación Galega de Reporteiros Solidarios (Agareso) e a ONGD Amarante Setem. A mostra, con entrada de balde, poderase visitar ata finais de outubro, mes no que se conmemora o Día Internacional para a Erradicación da Pobreza, concretamente o vindeiro venres 17.

A exposición protagonizada polo campesiñado de Ecuador componse de 25 fotografías autoría do fotoxornalista vigués Miguel Núñez, referidas ao proxecto da ONGD Amarante Setem (Galicia) coa Fundación Maquita (Ecuador) para apoiar a pequenas cooperativas dedicadas ao cacao, os cítricos ou a cana de azucre.

A actividade, encamiñada á reflexión sobre o comercio xusto e o consumo responsable, está organizada polo Concello en calidade de socio do Fondo Galego de Cooperación e Solidariedade e coa colaboración da Coordinadora Galega de ONGD.

O obxectivo é concienciar sobre a responsabilidade dos países do Norte no empobrecemento do Sur, amosando ao tempo o proceso de cambio que se produciu nas comunidades agrícolas ecuatorianas grazas ao comercio xusto e a cooperación internacional. Un labor que incidiu nunha maior igualdade de oportunidades, unha mellora das condicións de vida das clases máis baixas o avance cara unha equidade de xénero real.

Por CONCELLO DE PONTECESURES, hace

Contestación ó Sr Sabariz polas queixas dos asfaltados nas rúas centrais do pobo

Unha vez máis demostrase a falta de ética, manipulación e demagoxia do Sr Sabariz, Nestes días fixo un escrito denunciando problemas na pavimentación das rúas centrais do pobo.

Pois ben queremos recordarlle a este concelleiro que como tal ten dereito a solicitar o expediente da memoria das obras no Concello. Si en vez de criticar se molestase en ler a Memoria Valorada das obras vería que na folla nº 8 (que se xunta) pon expresamente ??Será preciso axustar a cota das tapas das arquetas existentes ao nivel final do novo asfalto. No caso das rúas Patifas e Carlos Maside, será preciso, asemade, realizar unha canaleta de formigón pulido in situ que permita recoller as augas á vez que rebaixar o nivel da zona de rodadura no seu encontro cos bordos das beirarrúas.?

E polo tanto, as obras estánse a facer agora mesmo, non porque critique o sr Sabariz, senón porque xa está recollido na memoria valorada das obras.

Podemos entender as preocupacións dos cidadáns xa que non teñen acceso á memoria valorada, pero as queixas do Sr Sabariz son pura demagoxia e manipulación. Esto demostra una vez máis a sua falta de ética na política xa que lle serve todo con tal de criticar ó equipo de goberno.  O que pretendía este señor era anotarse o tanto da realización das canaletas debido as súas queixas.

Cambie de estratexía porque esta xa está moi vista. Xa lle dixemos que porque repita unha mentira mil veces esta non se convirte en realidade (frase inventada por Goebbels para a manipulación das masas).

Pois non, Sr Sabariz, non actuamos coma vostede di a toque de cornetín.

Está moi ben que faga a súa laboura de oposición, pero antes de criticar moléstese en informarse vostede e non desinformar á veciñanza para manipulala.

MEMORIA VALORADA_ASFALTADO 9 ZONAS_PUMSIM.2014 paxina 8

Por CONCELLO DE PONTECESURES, hace

AVISO DO SERVIZO MUNICIPAL DE AUGAS DE PONTECESURES: CORTE NO SUBMINISTRO DE AUGA POTABLE O LUNS 29 DE SETEMBRO.

Na xornada do luns 29 de setembro procederáse a un corte no subministro de auga potable, para levar a cabo actuacións de mellora na rede de abastecemento.

Este corte afectará a todo o territorio do Concello de Pontecesures.

O tempo aproximado do corte no subministro de auga será dende as 16.00 ás 21.00 horas. Recomendase a tódolos veciños que fagan acopio de auga para dispoñer da mesma no devandito horario.

Por CONCELLO DE PONTECESURES, hace

Apoio as familias con TDAH en Pontecesures.

O vindeiro martes, 30 de setembro, o Concello de Pontecesures, coa colaboración da Asociación Medrando á Par, presentará un novo programa educativo dirixido as familias que teñan fillos/as co Trastorno por Déficit de Atención con Hiperactividad (TDAH) e do cal poderase beneficiar toda a veciñanza de Pontecesures e dos concellos limítrofes que queiran participar, o acto de presentación terá lugar na biblioteca do CPI Pontecesures ás 12 da mañán, e nel explicarase o proxecto ás familias interesadas en asistir ao novo curso 2014/2015 que agora da comezo.

O obxectivo deste programa é fomentar a competencia educativa das familias coa creación de espazos para as familias, con reunións de apoio, nas que se desenvolverán actividades educativas nas que participarán conxuntamente profesionais e os pais/nais dos nenos/as que padecen este trastorno, que en ocasións polas propias características do trastorno é moi difícil de levar para moitas familias.

Un ano máis, o concello de Pontecesures, dende sempre preocupado polo apoio á familia, aposta por complementar e ampliar os servizos de asesoramento e atención educativa ás familias da nosa vila.

Dende o concello estamos convencidos da necesidade de contribuir con toda a axuda que sexa posible para facilitar recursos que den apoio aos pais e nais na difícil tarefa de educar ós nosos nenos e nenas.

Invitámosvos e animamos a que participedes.

Por CONCELLO DE PONTECESURES, hace