Sin Categoria
Obras de mantemento no CPI Pontecesures
Durante estas vacacións de Entroido, os operarios do servizo de obras do Concello levaron cabo tareas de mantemento no CPI Pontecesures a instancias da dirección do centro, e que principalmente consistiron en diversas reparacións de fontanería, persianas e do sistema eléctrico.
Sin Categoria
Prestación económica por fillos a cargo menores de 3 anos.
O prazo para solicitar estas axudas é dende o 16 de febreiro ata o 26 de marzo. Máis información e solicitudes no Servizo Social Comunitario do Concello os luns, martes e venres de 9.00 a 13.30 h.. No seguinte enlace pódese descargar o bando completo:
http://pontecesures.org/recursos/Bando_PFC_menor_3_anos_2012.pdf
Sin Categoria
Entroido no CPI Pontecesures
Este venres 17 de febreiro de 2012, a partir das 11h30, o CPI PONTECESURES celebra o Entroido. Trátase dunha actividade común a todo o centro e a ela están convidados as familias dos alumnos e alumnas.
Este ano o tema escollido é o das Olimpiadas. Os diferentes grupos de nenos e nenas desde educación infantil até educación secundaria obrigatoria, pasando por educación primaria desfilarán no pavillón municipal de Pontecesures ante os seus familiares caracterizados de diferentes maneiras alusivas ao deporte olímpico e realizando diferentes bailes.
Tendo en conta os tempos que corren, cheos de negros presaxios, nada mellor que a suspensión que nos permite o Entroido para divertirnos e rirnos e así liberarnos das tensións. Por iso, animamos a todas as familias a que se acheguen ao pavillón municipal de Pontecesures para dar acubillo á ilusión dos nenos e nenas.
Concello
Xornada sobre normativa urbanística para cargos electos
Este mércores 15 de febreiro o concelleiro de obras, urbanismo e servizos, Angel Souto, asistiu a unha xornada sobre normativa urbanística para cargos electos.
Esta xornada estivo organizada pola EGAP (Escola galega de administración pública) en colaboración coa Dirección xeral de Adminitración Local.