Ante as demandas da veciñanza acerca da presenza de cans abandonados na zona urbana de Pontecesures, personal de CAAN (Centro de Acollida e Protección de Animais da Deputación de Pontevedra) instalou na zona da estación do tren un dispositivo trampa para proceder á sua captura e posibilitar o seu traslado a un centro para desparasitalos e ofrecerlle os coidados veterinarios previos á sua posta en adopción.
SERVIZO MUNICIPAL DE AUGAS
Na xornada do xoves -30 de xullo- procederáse a un corte na rede de subministro de auga, debido a tarefas de reparación e mantemento na rede de abastecemento.
Este corte afectará a rúa:
· Camiño dos Mariñeiros (dende o paso a nivel do tren ata a Rúa Calera).
O tempo aproximado do corte no subministro de auga será dende as 9.00 ás 12.00 horas. Recoméndase a tódolos veciños que fagan acopio de auga para dispoñer da mesma no devandito horario.
O Concello de Pontecesures ven de ser seleccionado pola Deputación de Pontevedra como un dos 25 concellos da provincia participantes no programa «Mulleres en acción: Violencia zero».
A acción que se vai levar a cabo consiste na realización dun graffitti-mural no que a artista, Laura Tova, representará a peza «Koré» onde a arte contemporánea torna en axente mobilizador de conciencias en prol da igualdade e o empoderamento feminino.
A presentación da obra será o próximo xoves 6 de agosto ás 11 horas no Castro.
Sementa igualdade + cultiva cultura = Recolle cambio
Dende o Concello de Pontecesures e a Concellería de Comercio, queremos agradecer a aceptación que está a ter a Campaña de Comercio Seguro. Nesta ocasión queremos mostrar o noso agradecemento á colaboración dos establecementos comerciais: Inforconstenla, Mercería Lazitos, Artanxos, Rous Lencería e Moda, Azucena Collazo Estilistas e á Lavandería Auga & Xabón pola súa participación na enquisa e ter acadado una cualificación que certifica o seu bó facer.
Moitas grazas a todos e parabéns.
Pronto seremos máis.
