Actividades no CPI Pontecesures

Ata o 27 de abril celebraranse no centro diversos actos culturais en relación co teatro e a música. Entre elas destacan:

* Exposición de carteis e máscaras representativas de teatro grego, elaboradas polos alumnos/as de 4º de ESO e de 4º de educación primaria, respectivamente.

* Exposición de instrumentos musicais, imitando aos instrumentos gregos, elaborados polos alumnos/as de 2º de ESO.
Os pais/nais que desexen visitar estas exposicións poderán facelo en horario de 13,10 a 14 horas.

* Teatro de títeres para alumnos/as de educación infantil e 1º ciclo de educación primaria.

* Representación dunha obra de teatro polos alumnos de 4º de ESO. Dado que estes alumnos/as participan nunha excursión de final de etapa, esta obra representarase para o público ás 20,30 horas da tarde do venres 27 de abril. Espérase a colaboración de todos.

* Asistencia a un concerto didáctico organizado pola Bande de Música de Valga e dirixido por un antigo profesor do centro, director desta banda, os días 26 e 27 de abril.

Aproveitamos tamén para informarlles que os alumnos/as de 4º de ESO participaron no concurso «Correlingua» elaborando un manifesto co que resultaron finalistas neste concurso.