O mobiliario urbano subvencionado por Industria non se coloca. Nota da ACP de Pontecesures.
O goberno anterior de Pontecesures deixou solicitada unha subvención á Consellería de Economía e Industria para 2011 de 3.527 que é o 75% do subministro de bancos, xardiñeiras e papeleiras para as rúas contrais de Pontecesures (Portarraxoi, San Lois, Sagasta e Víctor García) onde se atopa fundamentalmente o comercio da vila.
Con satisfación recibimos, no seu día, a nova de que a subvención fora concedida e así o actual goberno adxudicou o subministro de dez bancos, once papeleiras e nove xardiñeiras por un importe total de 4.651,21 euros cantidade na que se incluía a subvención. Na Xunta de Goberno Local de 14/10/11 xustificouse a recepción do subministro.
Como non atopábamos o mobiliario na rúa o 11 de novembro xa expusimos nos medios que non entendiamos a demora na colocación dos elementos nas rúas antes citadas.
Agora, pasados outros dous meses, xa observamos con preocupación que o material non está colocado nas rúas centrais e por iso nesta data, solícítase na Casa do Concello autorización para consultar o expediente pois queremos coñecer as características do mobiliario subministrado e as causas da non colocación nos espazos públicos previstos.
Pontecesures, 25/02/12
Luis Ángel Sabariz Rolán
Concelleiro da ACP de Pontecesures
0 comentarios