A casa padronesa de Rosalía celebra o 171 aniversario do nacemento da poetisa.

A Casa-Museo de Rosalía de Castro, no lugar padronés de A Matanza, acolle esta mañá o acto conmemorativo do 171 nacemento da poetisa, organizado pola Fundación que leva o seu nome e que preside Helena Villar Janeiro. Será ela, precisamente, a encargada de dar a benvida aos alumnos dos centros da comarca que participan no acto, no que se fará a presentación do libro O paxariño andaluz por parte da súa autora, María do Carme Kruckenberg. A continuación, haberá un festival artístico no que participará o alumnado antes de pasar a celebración en sí do cumpreanos.

O acto de Padrón terá continuación o próximo luns e o mércores en Santiago, o primeiro día na sede do Consello da Cultura Galega onde se presentará o cedé Cantares galegos. Pola súa banda, o mércores no Pazo de Bendaña darase a coñecer o libro Versos a Compostela, nun acto no que estarán os responsables da súa edición, o Consorcio e Alvarellos Editora.

LA VOZ DE GALICIA, 22/02/08