Despois de moitos anos, haberá de novo procesións de Semana Santa en Pontecesures.
Serán dúas procesións simultáneas que terán lugar o día de Venres Santo ás 11 horas.
Unha, coa imaxe de Cristo, sairá do Cruceiro de Carreiras co seguinte percorrido: Subida a Carreiras, interior de Infesta, Pino Manso, rúa do Castro, Camiño de San Xulián e A Plazuela.
A outra, coa imaxe da Virxe Dolorosa, sairá da praza dos Valeiros de Porto co seguinte percorrido: rúa Deputación, rúa Portarraxoi, rúa San Lois e A Plazuela.
Despois do encontro das dúas procesións na Prazuela, ás 12 horas o Pai Isorna (franciscano) pronunciará o «Sermón das sete palabras».
O Xoves Santo á Misa Solemne será ás 19 horas e a Hora Santa ás 22 horas. Os oficios de Venres Santo serán ás 19 horas, e a Solemne Vixilia Pascual do Sábado Santo será as 21:30 horas dese día.
5 comentarios
decesures · 16-03-2008 a las 10:25
Pareceme boa idea pero Sabariz onde poderiamos preguntar se se pode participar ou algo?
na igrexa?
Luis Angel Sabariz Rolán · 16-03-2008 a las 10:29
Non o sei. Imaxínome que a información será facilitada polo párroco.
O Rei · 16-03-2008 a las 14:31
¿Pero que máis información queres, «decesures»? Dinche lugares e hora de inicio. Para participar nunha procesión simplemente hai que querer ir. Non fai falla nin motivo, simplemente «fe».
decesures · 16-03-2008 a las 18:02
Sabariz soubo a qué me referia…
quero informacion para participar nela
non para vela, e supoño que se hai unha procesion habera que mirar antes quen hai ou quen non hai.
decesures · 16-03-2008 a las 18:41
a procesion claro que a verei pero noutros lugares o que fan e coller a xente para participar… non sei como será esta procesion , se preguntaba era para saber se se podía participar en algo nela.
Sabariz pregunteite a ti porque pensei que o saberias non foi por outro motivo pero xa lle preguntarei ó párroco,moitas grazas de todas formas.