O Concello quere se cumpra a legalidade en materia de ruidos no edificio do nº 10 da rúa Sagasta.
Na tarde de onte tivo lugar na Casa do Concello a reunión convocada para atopar unha solución ó problema de ruidos denunciado pola Comunidade de Veciños do edificio situado na rúa Sagasta nº 10, responsabilizando ó pub existente no baixo deste edificio.
Ademáis da presidenta dos veciños, de varios titulares de pisos no edificio, do propietario do local e da propietaria do negocio, asistiron á reunión a alcaldesa, Maribel Castro, o concelleiro do PP, Jesús Mª Rey Beiró e o non adscrito, Luis A. Sabariz Rolán.
Acordouse por todos que o vindeiro luns día 31 visitará o local o representante dunha empresa homologada en materia de contaminación acústica, e así coa presenza tanto dos titulares do negocio como dos veciños, realizaranse as comprobacións que correspondan en materia de ruidos (equipos, limitadores, insonorización, etc…), quedando ben claro que a intención do concello é que se cumpra a legalidade e conciliar o dereito a divertirse co dereito ó descanso da veciñanza.
Por outra banda, tratáronse os problemas de salubridade que presenta a galería deste edificio que une a rúa Sagasta coa rúa Estación e outros de seguridade pola existencia de frecuentes «botellóns» na mesma.
0 comentarios