Agora o colexio pouco importa. Nota do BNG de Pontecesures.
O BNG informa acerca do mal estado no cal se atopa o CPI de Infesta e o seu recinto escolar. Obsérvase un total abandono destas instalacións que se aprecia a simple vista. Destacamos:
1.- O patio escolar, zona de lecer e esparcemento para os alumnos, atópase con abundante maleza, de máis dun metro de altura e lixo abundante. Nas actuais condicións difícilmente os rapaces poden aproveitar convintemente as instalacións educativas.
2.- Os canalóns do edificio da ESO atópanse totalmente atorados discurrindo a auga da choiva pola parede do edificio, incluso pódese observar baixantes totalmente corroídas polo óxido que, aparte de ofrecer un lamentable aspecto, supón un risco evidente para os alumnos.
Para o BNG o único responsabel do estado de abandono das instalacións educativas é a actual equipa de goberno que ten a responsabilidade e obriga de manter en perfecto estado ditas instalacións, para o cal dispoñen de fondos específicos da administración autonómica.
Ao parecer este goberno prioriza outro tipo de actuacións (actos lúdico-festivos, relixiosos, etc) e deixa de man cousas , ao noso parecer, moito máis importantes como son manter en bo estado as instalacións municipais, en concreto as do CPI de Pontecesures.
18 de maio de 2008
Consello Local do BNG
3 comentarios
laranxa · 20-05-2008 a las 12:29
? de pena!!Pero non me sorprende nada…Cando ves os empregados sacando hervas a man ou con escoba e recolledor,sen mais aperos¿Como van a sacar tanta tanta herba?…A maquinaria é moi cara una desbrozadora costa mais de 300euros,sachos,eixadas e demais estan polas nubes,e non digamos nada dos canalóns!!…Total a herba volve a sair coa chuvia e o bo tempo!!!Hai,.. pero as festas son as festas é paga o Concello
Luis Angel Sabariz Rolán · 20-05-2008 a las 15:09
O pasado xoves comezou a limparse o patio do CPI Pontecesures pola parte traseira do polideportivo e hoxe xa está case rematada a limpeza. ? certo que se debeu de limpar antes cando había máis traballadores/as. ? certo que houbo varias desbrozadoras avariadas e os traballos foron lentísimos. ? certo que as dúas mulleres recentemente contratadas pola Deputación descoñecían o funcionamento destas máquinas.
De tódolos xeitos, hai que aceptar a crítica pola pouca previsión esperando que no futuro non se espere a que haxa tanta maleza.
O das baixantes do edificio é distinto. A calidade dos materiais empregados no seu día na obra de Educación foi lamentable, e xa o concello tivo que afrontar no pasado algunha actuación nos canalóns. Agora, (onte visitou o colexio a unidade técnica da Consellería) todo indica que vai ser a administración autonómica a que instale as baixantes destrozadas. Tamén esta previsto que arranxe a fontanería pois as tuberías que puxeron no seu día no edificio da ESO están en mal estado.
manolo o do bombo · 21-05-2008 a las 15:20
tes razon laranxa ferramentas para os traballadores nada. de nada tempos de franco solo falta a banda de musica do pp.