O venres día 4 de xullo ás 19:30 inauguración oficial do Club Náutico.

NOTA DO EQUIPO DE GOBERNO DE PONTECESURES

Rematada a obra de rehabilitación do edificio do Club Náutico e entregada a obra ó Concello de Pontecesures, por parte da Dirección Xeral de Deportes, comunícase que o venres día 4 de xullo ás 19:30 horas, terá lugar o acto oficial de inauguración das novas instalacións.

Están convidados ó acto, representantes da Consellería de Cultura e Deportes, de Portos de Galicia, e da Deputación Provincial de Pontevedra. Tamén os 11 membros da corporación municipal, a xunta directiva do Club Náutico, adestradores e palistas, á empresa que executou a obra, e ós técnicos directores da mesma.

No acto descobrerase unha placa conmemorativa e realizarase un percorrido para coñecer as novas dependencias.

Lémbrase que esta obra adjudicada pola Dirección Xeral de Deportes da Consellería de Cultura e Deporte, fora incluída no Plan de Instalacións Deportivas Xunta de Galicia-Deputación 2002/2006. Afrontou a maior parte do custo a administración autonómica, cunha achega tamén do concello, en torno á 10 % do investimento.