ACP solicita a adhesión de Pontecesures ao convenio coa Deputación sobre acollida de animales domésticos abandonados.
A Deputación aprobou o pasado 27 de xullo o convenio marco de colaboración entre a Deputación e os concellos de menos de 50.000 habitantes para o establecemento dun servizo de acollida de animais abandonados concedendo un prazo dun mes aos concellos para adherirse a dito convenio.
Dende a ACP de Pontecesures consideramos moi interesante a iniciativa e instamos ao goberno local para que se tramite a adhesión ao convenio no prazo establecido. Haberá que facerlle fronte a unha achega de 950 euros anuais, aproximadamente, (a Diputación achega o resto do prezo), pero solucionarase o problema de salubridade pública e de seguridade viaria que representa a presenza de cans ou outros animais domésticos abandonados nas vías públicas, con un sistema de retirada humanitario que levará a cabo o organismo provincial.
Luis Ángel Sabariz Rolán
Concelleiro da ACP de Pontecesures
0 comentarios