Nota da ACP sobre o pleno dos orzamentos.
O pleno, celebrouse ás 13:30 horas da mañá, e o documento, prácticamente unha mera liquidación pois xa estamos en decembro, ascende a 1.829.176.97 euros e aprobouse cos seis votos do goberno (BNG/PSOE/TeGa) e os cinco en contra da oposición (PP/IP/ACP).
A ACP desexa facer público o seguinte:
1. Estamos ante un goberno totalmente ineficaz que trae a un pleno extraordinario o documento orzamentario de 2012 en decembro, convocando o pleno sen cumprir os prazos legais, sen consensuar nada, e aínda por enriba con sesión de mañá para que o feito pase desapercibido na veciñanza.
2. Resulta inconcibible que o presidente da corporación non explique nada ao presentar os orzamentos na sesión. Se o debate orzamentario é o debate por excelencia, o alcalde amosa una pasividade total e deixa claro que a súa intención era pasar un mero trámite para votar e punto.
3. Concédense no orzamento as subvencións nominativas aos clubs e asociacións de un xeito totalmente arbitrario con favoritismos provocando o descontento dos integrantes de varios destes colectivos (algún deles presente na sala). Nin se informou a ninguén dos representantes con anterioridade e aínda por enriba trocouse o importe das subvencións nunha reunión urxente do equipo de goberno que tivo lugar onte domingo. Parece que o goberno local cede ante quen máis reclama e actúa con disparate tras disparate.
4. Está preocupado o goberno local coa estabilidade orzamentaria e toma decisións que ninguén entende. Como se lle dixo na sesión este pequeno concello non pode soportar o gasto de tres dedicacións dos tres tenentes de alcalde cun gasto total de máis de 75.000 euros. Hai que comezar o recorte por aquí.
5. Por certo; o concelleiro socialista de educación e deportes, Roque Araújo, nin falou no pleno a pesar da polémica decisión sobre as subvencións aos clubs deportivo e á ANPA. Tampouco o fixo a concelleira nacionalista de cultura, Margarita García Castro, polas subvencións ás asociacións culturais (o habitual pois a xestión desta concelleira é practicamente nula). Mutis polo foron tamén fixo o 1º tenente de alcalde, Ángel Souto (TeGa), tan locuaz noutras ocasións. Notouse ben que PSOE e TeGa tiveron que levantar a man non con moito convencemento.
Pontecesures, 03/12/12
Luis Ángel Sabariz Rolán
Concelleiro ACP Pontecesures
0 comentarios