LIMPEZA DE FINCAS EN CUMPRIMENTO DA LEI DE PREVENCI�?N E DEFENSA CONTRA INCENDIOS FORESTAIS.

En cumprimento coa Lei 3/2007, do 9 de abril, de prevención e defensa contra os incendios forestais de Galicia, lémbrase �?S/ÁS PROPIETARIOS/AS QUE ESTÁN OBRIGADOS/AS a manter as súas parcelas, así como as vías e camiños, limpas de maleza e coa masa arbórea rareada.

Será obrigatorio para as persoas responsables xestionar a biomasa vexetal nunha franxa de 50 metros perimetral ao solo urbano, de núcleo rural e urbanizable, así como ao redor de edificacións, vivendas illadas e urbanizacións, depósitos de lixo, campings, gasolineiras e parques e instalacións industriais, situadas a menos de 400 metros do monte e tamén ao redor das edificacións illadas en solo rústico situadas a máis de 400 metros do monte.

Ademais, dentro desa franxa de protección de 50 metros NON poderán atoparse as especies sinaladas na disposición adicional terceira da presente lei: piñeiros, eucaliptos, acacias, toxos, fentos, mimosas, xestas, carqueixa, piorno ou carrasca (queiruga).

Infórmase tamén que no Concello de Pontecesures existe unha Ordenanza reguladora da limpeza viaria e ornato público, onde o seu artigo 39 sinala que as sancións por incumprimento serán:

• As que teñan as consideracións de leves, multa de ata 750 �?�
• As que teñan as consideracións de graves, multa de ata 1.500 �?�
• As que teñan as consideracións de moi graves, multa de ata 3.000 �?�

Faise constar que no caso de que haxa calquera incidente por non cumprir esta normativa, os responsables serán os/as propietarios/as das parcelas.

No caso de alarma de incendio forestal débese chamar ao teléfono 085. Se a liña estivese ocupada pódese chamar ao teléfono 112. E para dar alarma de actividade incendiaria chamar á Garda Civil ao teléfono 062.