O goberno de Pontecesures carga contra o exalcalde.

Gobernar é priorizar, algo así dicía o señor Seage durante a súa xestión á fronte do Goberno Municipal. Xestión, por certo, que o levou a ocupar o seu lugar actual na oposición. Publican os populares un post do 6 de decembro, é dicir, tiveron ata o 16 de xuño (máis de 6 meses) para limpalo e non o fixeron. Pretenden tamén agora que en 100 días limpemos e arranxemos 7 anos de nefasto desgoberno, xa non facendo autocrítica, senón esixindo coa soberbia que os caracteriza.

Un exalcalde, que amosou no pasado pleno a súa verdadeira cara, absterse en proxectos que se continúan ideados e formulados polo seu goberno, descoñecemento da procedencia e preguntando por contedores que se colocaron durante a súa lexislatura, e preguntas absurdas que o que pretendían era desviar a atención do nefasto que foi para esta vila.E non se preocupen, amigos populares, que se seguirá limpando, pero hai que ter un plan para facelo, xa que polo que se viu, o que vostedes tiñan (ou non) non era efectivo e á vista estaba.

Deixen traballar a quen ten gañas de facelo e non intenten esconder 7 anos de traxectoria, que vostedes non apareceron da nada, teñen unha mochila ás costas ben pesada que cargar; e iso os veciños tamén o saben.