Entre o día de hoxe e mañán, a brigada de obras do Concello está a colocar na Pista da Barosa e na Rúa Carlos Maside unhas bandas sonoras reductoras de velocidade coa correspondente sinalización vertical.
Esta era una actuación moi demandada polos veciños das zonas, pola peligrosidade, dada a velocidade á que circulaban os vehículos por ditos lugares.
Dentro da Orde do 30 de abril de 2013 na que se regulaban as subvencións a Concellos de Galicia para revitalizar o comercio de proximidade e potenciar unha rede galega de mercado de abastos excelente, o Conselleiro de economía e Industria ven de concederlle ó Concello de Pontecesures unha subvención para ??Reparación no Mercado de Abastos Municipal? por un importe de 11.616? dos que o 75% serán aportados pola Consellería (8.712?) e o restante 25% polo Concello (2.904?).
Descripción das obras previstas:
Previo apuntalamento das cerchas interiores, procederase a substituir os tirante metálicos por cables de aceiro de 20 mm con reguladores que permitan controlar a súa tensión tanto no momento da instalación como nas revisións periódicas que se deberán realizar. Renovaranse tamén os elementos auxiliares de unión (placas, ganchos,?)
Para reparar e asegurar a cercha exterior de madeira prevese colocar un pilar metálico (doble U) no seu extremo norte, e un casquillo de aceiro para reforzar a viga deteriorada.
Vista a Orde de 8 de agosto de 2013 de Vicepresidencia e Consellería da Presidencia, Administracións Públicas e Xustiza, no D.O.G. nº 152 de 9 de agosto de 2013, pola que se establecen as bases reguladoras e se convocan subvencións para a execución de infraestruturas de uso público destinadas aos concellos de Galicia, de forma individual e mediante o sistema de xestión compartida, cofinanciadas polo FEDER, o equipo de goberno de Pontecesures decidiu adherirse xunto cos concellos de Caldas de Reis, Moraña e Portas, e presentar un proxecto global no que se recollan diversas actuacións en cada concello, pois os proxectos mancomunados de varios concellos acadan máis valoración segundo a orde.
A solicitude que presenta o equipo de goberno de Pontecesures refírese ao asfaltado de 12 rúas e camiños municipais por un valor de 57.500? dos que o Concello deberá aportar un 20% (11.500?), segundo a seguinte memoria elaborada polo arquitecto municipal:
|
Actuación |
Lonxitude |
Anchura media |
|
| 01. | Rúa do Campo (lateral campo de fútbol) | A. 60 mB. 73 m | A. 5 mB. 6 m |
| 02. | Telleiro – paso baixo vía | 41 m | 4,50 m |
| 03. | Rúa Cantillo | 14 m | 5,50 m |
| 04. | Rúa Forneiras | 55 m | 4,50 m |
| 05. | Camiño en Rúa Mimosas | 43 m | 3,50 m |
| 06. | Rúa Mimosas | 137 m | 4 m |
| 07. | Pista entre Ullán e Barosa | 37 m | 3 m |
| 08. | Rúa do Ensanche | 160 m | 6 m |
| 09. | Travesía Ensanche – Regadío | 47 m | 4 m |
| 10. | Camiño Condide – cementerio | A. 19 mB. 16 m | A. 3 mB. 5 m |
| 11. | Cortinallas | 50 m | 4 m |
| 12. | Rúa Otero Acevedo | 62 m | 6,5 m |
O equipo de goberno de Pontecesures ven de solicitar a inclusión das seguintes actuacións con financiamento da Deputación de Pontevedra:
1) Arranxo do Parque Infantil ??Vicente Moure? por importe de 48.268,52 euros.
As obras previstas consistirán, por unha banda, na adaptación do parque ás normativas de seguridade actuais, mediante a instalación baixo cada un dos xogos dun chan brando con capacidade para absorber caídas de ata 2,20 metros de altitude. Neste caso instalaranse unhas losetas absorbentes e preparadas para a plantación de céspede en superficie. Este chan colocarase tanto baixo os novos xogos que se instalen como baixo os actuais que se conserven.
Por outra banda, prevese substituir parte dos xogos actuais, aqueles que se atopan máis deteriorados, por 8 novos xogos adaptados ás normas vixentes. En concreto, se intalarán:
– 1 casiña de xogos.
– 1 tobogán.
– 1 tiroloina.
– 2 balancíns con formas de animais.
– 1 estructura de escalada.
– 2 columpios dobres (cada un deles cun asento para nenos e outro para bebés)
A actuación completarase coa plantación do céspede sobre as losetas e coa colocación dun novo cartel informativo na entrada do parque xunto á Casa do Concello.
2) Actuacións de Aforro Enerxético na Rede de Alumeado Público por importe de 59.530,71 euros.
O Concello de Pontecesures pretende levar a cabo unha actuación que consiste na substitución de luminarias na rede de alumeado público de varias rúas do municipio, co fin de reducir o consumo enerxético actual. Tamén está previsto completar a rede actual coa instalación de 10 novos puntos de luz en rúas con deficiente iluminación.
A actuación de aforro enerxético afectará a circuítos completos, regulados mediante 4 cadros de mando e sobre os que tamén se actuará para adaptalos aos novos equipos que se instalarán. As rúas afectadas son:
– Avda. José Novo Núñez – tramo 1 (entre ponte e camiño de San Xulián)
– Avda. José Novo Núñez – tramo 2 (entre camiño de San Xulián e avda. de Vigo)
– Avda. de Vigo
– Camiño de San Xulián
– Rúa do Castro (primeiro tramo desde a rúa do Pilar)
– Rúa Miguens Parrado
– Rúa Nova
– Rúa Ullán (o tramo entre rúa San Lois e a avda. de Vigo)
– Rúa do Rial (primeiro tramo desde a avda. de Vigo)
– Praza de Pontevedra
Actualmente estes viais contan con luminarias de vapor de sodio, cun alto consumo (150 e 250 W)
As luminarias viais substituiranse por luminarias LED coa potencia necesaria, as luminarias tipo globo substituiranse por unhas novas luminarias e as luminarias ornamentais (tipo villa, palacio, ?) substituiranse e adaptaranse para instalar novos módulos LED.
Ademais de cambiar o vapor de sodio por LED, para adaptar toda a instalación ás novas necesidades, será preciso reformar parcialmente 3 dos centros de mando (os núm. 01, 03 e 04) e totalmente o cuarto (o 02), coa instalación ou adaptación de reloxos astronómicos, adecuación dos cadros de protección e as acometidas, renovación das envolventes dos cadros, ?
Tamén será preciso optimizar os contratos de subministro de enerxía, de acordo cos novos consumos previstos.
Por outra banda, instalaranse 10 novos farois co seus correspondentes postes de formigón, cableado, soportes, caixa de conexión, fusibles, ? e se distribuirán tres no parque situado detrás das vivendas xunto ao campo de fútbol, dous nunha pista na zona de Redondo, catro no tramo final da pista do Regadío, e un na travesía entre a pista do regadío e a rúa do Ensanche.
Con esta actuación o equipo de goberno pretende un aforro estimado dun 70% do actual consumo eléctrico.
3) Factura de gasto corrente da Mancomunidade Serra de Barbanza pola recollida de lixo de agosto de 2013, por importe de 11.990,83 euros.
Baixo a denominación UNETE Á VOLTA e co patrocinio da Deputación de Pontevedra, celébrase a Festa da Bicicleta en Pontecesures. Realizarase un percorrido cicloturista polo noso pobo cubrindo unha distancia de 11,5 km.
Sábado 14 de setembro na Plazuela ás 17.30 horas (hora de saída). Concentración de cicloturistas no mesmo lugar a partir das 17.00 horas.
Para participar é preciso ter unha idade mínima de 8 anos e é obrigatorio o uso do casco.
Ao remate da ruta cicloturista, e comoa de costume, sortearanse entre tódolos participantes varios agasallos.
O pasado xoves tivo lugar un encontro entre os representantes dos clubes deportivos locais que utilizan o campo de fútbol e o pavillón municipais e o goberno municipal de Pontecesures, co obxecto de fixar de común acordo, un horario de uso das devanditas instalacións e escoitar as súas suxerencias. Tamén se lle facilitou a cada un dos representantes unha copia da ordenanza de uso de locais municipais, que recolle os dereitos e deberes dos usuarios dos mesmos.
Os representantes dos clubes tamén fixeron constar as melloras a acometer tanto no pavillón coma no campo de fútbol, e estableceuse un calendario de actuacións, tendo en canto as posibilidades económicas do Concello.