Charla aos coidadores de dependentes de Pontecesures.

cartel charla web

O Concello de Pontecesures, coa colaboración da Asociación Medrando Á Par, entidade sen ánimo de lucro que está a desenvolver proxectos destinados á poboación en xeral dende unha perspectiva sociofamiliar  e educativa, celebrará unha charla-coloquio o vindeiro luns día 29 de abril no local do Club Xuvenil ás 20,30 horas, que será impartida por un dos seus colaboradores, o profesor Carlos Vila Lago.

Jose Expósito, presidente da Asociación Medrando Á Par, apunta que, sendo cada día máis as persoas que deben coidar dunha persoa dependente na súa familia, existe a necesidade de apoiar a aquelas familias que están a vivir esta situación, sendo conscentes de que o primeiro paso para coidar ben a un familiar é coidarse a un mesmo.

 As familias adoitamos pensar qua ninguén como nós pode coidar a esa persoa dependente, que cun pouco de esforzo esa persoa estará moi ben coidada, xa que é un labor que significa dedicación, esmero, entrega de tempo e afecto cara á persoa coidada; e quen senón alguén como nós para proporcionalo.

Pero a entrega e a dedicación non chegan; con moita frecuencia atopamos que a persoa cuidadora esquécese dela mesma e con frecuencia prodúcese unha sobrecarga que de non abordala pode desencadear en problemas de saúde, depresión, dor crónico, illamento, etc.

Nesta sesión de formación/charla preténdese que as familias sexan capaces de aliviar a tensión emocional acumulada ao longo do tempo, romper o illamento que se asocia á tarefa de coidar a un dependente, pedir axuda, buscar a forma de recuperar as actividades sociais e de lecer, afastar ou eliminar os sentimentos de culpa, comprender e aceptar os sentimentos positivos e negativos derivados da tarefa de coidar; en definitiva, dar unhas ferramentas ao cuidador para que se coide e así poida dar ao dependente os coidados máis axeitados.

Unha velada de libros na biblioteca de Pontecesures.

 

noite na biblioteca 2013 web

A Biblioteca Municipal de Pontecesures invita aos rapaces e rapazas de 9 a 11 anos do concello a pasar unha noite distinta. Dentro do programa ??Ler conta moito?, anímase aos rapaces a disfrutar dun contacontos e da lectura compartida de libros cos amigos. A actividade desenvolverase das 9:30 da noite do sábado 27 ata as 9:30 do domingo, e os nenos deberán ir provistos do correspondente saco de dormir. Tras unha velada intensa de historias, os rapaces repoñerán forzas con almorzo ofrecido polo Café Bar Galicia.

O número de prazas para esta actividade é de 25, e a inscrición pode realizarse na propia Biblioteca Municipal de Pontecesures, en horario de tarde.

Fraccionamento do pago do imposto de bens inmobles (IBI) do ano 2013.

O ORAL, servicio da Deputación de Pontevedra encargada da xestión do cobro do imposto de Bens inmobles (IBI) vai poñer ó cobro os recibos na primeira quincena de agosto. Este ano hai a posibilidade de fraccionar o pago en 2 pagos (o 1º na primeira quincena de agosto, e o 2º na primeira quincena de outubro).

Para elo deberán solicitalo por escrito nun modelo de solicitude que poderán recoller nas oficinas do concello de Pontecesures, e unha vez cuberto envialo a dito organismo.

O prazo de solicitude remata o vindeiro de 10 maio.

Contestación ó Sr. Sabariz polas críticas á XVIII Festa da Lamprea

Dende o equipo de goberno queremos contestarlle ó Sr. Sabariz as súas denigrantes declaracións sobre a XVIII Festa da Lamprea. Esperábamos un pouco máis de calidade na súa valoración da Festa.

 

Lamentables  son as súas viles e ruíns manifestacións que o que fan é emporcallar unha festa de exaltación dun dos produtos estrela da nosa gastronomía. Este señor máis que un portavoz da oposición parece o típico bocazas que coa excusa de facer oposición o único que fai e criticar o máis mínimo detalle quizá sin decatarse (ou si) de que o que está facendo e afundindo unha vez máis a reputación da nosa vila. Exemplos temos de sobra: si un par de latas de cervexa na Prazuela, si a un veciño se lle escapan as galiñas ou as cabras, e así, infinidade de nimiedades que o único que fan e emporcallalo todo. Estamos de acordo que cada un pode facer as críticas que desexe, que este equipo de goberno ás veces comete erros e que con toda normalidade se nos pode criticar, pero de aí a que todo estea mal e que polas súas ansias enfermizas de protagonismo se dé unha imaxe lamentable e negativa do noso pobo nos medios non se pode consentir.

 

Entrando en detalle na súa declaración, si temos que dicir que iste ano non foi posible acondicionar coma quixeramos o terreo onde se ubica a carpa debido á cantidade de choiva que non dou tregua ata o último día da celebración da Festa (quizais tamén cree que este equipo de goberno ten a obriga de decidir sobre os fenómenos atmosféricos); ainda así na foto que acompaña a sua crítica non se denota o estado tan desastroso do chan. Non compartimos en absoluto o seu comentario sobre a falta de público, e nos gustaría saber si este señor se adicou todo o día a contar á xente para saber o número exacto de persoas que viñeron á Festa. Quizais o que lle moleste e que se vendese toda a lamprea e non sobrase como outros anos para así el poder levarse como outros anos unha cazola con 3 lampreas para a súa casa polo ??módico? precio de 12?. Outro tema  é o do tamaño da carpa, xa que é completamente falso que fose máis pequena que o ano pasado, que tiña exactamente os mesmos m2. Falando da carpa preguntámonos por qué na súa nota non nos conta que na edición anterior este equipo de goberno tivo que asumir o coste da carpa da XVI Festa da lamprea organizada polo anterior goberno do que este señor era Tenente Alcalde por un importe de 5.546? e a comida dos colaboradores da Festa por un importe de 864?.

 

E por último preguntarlle ó señor Sabariz qué é o que ve de negativo de que se conseguise facer a Festa da Lamprea cun presuposto de 5.000? + IVE (incluindo a Festa do Comercio local) cando nas 2 últimas edicións feitas polo anterior equipo de goberno o presuposto na XV Festa da Lamprea foi de  33.544,51? e na XVI Festa da Lamprea  foi de 42.563,16?.

 

Que nos explique qué diferencias significativas atopou entre esas dúas edicións e a actual, máis alá da capacidade deste goberno de organizar a Festa da Lamprea e a Feira do Comercio Local, co mesmo éxito de público e cun coste un 88% menor.