Reparación dos desperfectos na intersección das rúas Avenida de Vigo e Ullán

Sobre as 20:30 horas de onte produciuse un accidente de circulación, no que se viron involucrados dous vehículos, na intersección das rúas Avenida de Vigo e Ullán. Aparte dos danos materiais, un dos conductores resultou ferido sendo trasladado nunha ambulancía ó Hospital Clínico de Santiago.
No día de hoxe a Policía Local de Pontecesures trasladoulle á Dirección Xeral de Estradas do Estado un informe dos danos materiais provocados polo accidente, consistentes no destrozo dunha isleta de adoquíns e unha sinal de tráfico.
Dende a Dirección Xeral de Estradas do Estado comprometéronse ó arranxo dos desperfectos nos vindeiros días.

Danos do temporal en Pontecesures

As consecuencias do temporal do día de hoxe en Pontecesures foron cuantiosas. Ademais das habituais caídas de valados de obra e contedores de lixo, temos que resaltar o peche da senda peonil de subida ás escolas provocado pola caída dunha árbore, que levou por diante un tendido eléctrico. Dende primeiras horas da mañán, o servizo municipal de obras empregouse a fondo nesta avaría e niste momento está totalmente arranxada. Como diciamos , por seguridade o grupo de goberno municipal procedeu ó peche durante o día de hoxe desta senda.

Tamén hai que dar conta da rotura dunha cristaleira da praza de abastos municipal coa que se está a proceder ó seu arranxo, para evitar a entrada da choiva no interior.

Por último indicar que a excursión programada para os nenos de infantil do colexio C.P.I. de Pontecesures ó Belén de Campaña está mañán  quedou anulada.

Dende o grupo de goberno municipal queremos pedirlle ós veciños que extremen as medidas de seguridade perante a duración do temporal.

Novo alumeado nas rúas Patifas e Otero Acevedo

Ante as numerosas suxerencias dos veciños  destas rúas para que se cambiase o tipo de alumeado proposto no proxecto inicial, o grupo de goberno municipal, tras unha serie de negociacións coa empresa adxudicataria da obra (SETGA) decidiu a instalación das catenarias modelo «cidade». Estas serán instaladas directamente nas fachadas cun soporte de aceiro inoxidable, tal e como se pode apreciar na imaxe adxunta.

A instalación destas catenarias conta co visto e prace dos propietarios das vivendas cuias fachadas servirán de soporte. Polo tanto queremos agradecer a colaboración dos veciños das rúas melloradas, así coma as facilidades dadas pola empresa SETGA para o bo remate desta actuación.

Promoción do galego no comercio local

 A campaña está deseñada para fornecer materiais atractivos para facilitar aos comerciantes que podan levar a cabo a súa actividade en galego e preténdese así animar a todas as vendedoras e vendedores que así o desexen a continuar con este etiquetado en galego de notábel acollida naqueles lugares en que se desenvolve desde hai anos, tanto entre clientes como entre comerciantes.

Trátase de pregos de etiquetas para colocar nos agasallos que merquen os clientes con distintos lemas.

Agardamos que este material poida ser de proveito na actividade comercial dos establecementos de Pontecesures nestas datas.