Web non oficial de Pontecesures
Gracias ó convenio de colaboración que o Obradoiro e o Cb Rio Ulla teñen asinado, este vindeiro sabado 24 de outubro toca viaxe a presenciar o partido do Obra – CAI Zaragoza.
A entrada é con prezo reducido e o Obradoiro facilita o transporte en bus.
Mais información:
O venres 19 de xuño celebrouse a segunda xuntanza de antigos alumnos do instituto de Padrón dos anos 75/76.
Os antigos alumnos e profesores, procedentes de toda a xeografía española, foron recibidos no local do antigo instituto, hoxe centro social, por Xosé Carlos Beiró Piñeiro, Manuel Barreiro Barreiro e Antonio Tubío Piñeiro, organizadores do evento.
Rematada a recepción percorreron as rúas da vila padronesa, nun viaxe ó pasado para moitos dos asistentes, que levaban desde a súa época de estudantes sen visitar a Terra de Rosalía.
Un dos lugares visitados foi o Bar Laiño, onde se serviu un aperitivo os asistentes. Os titulares do establecemento, Maruja e Severo, foron dous alumnos mais lembrando as vivencias destes no establecemento.
Despois do aperitivo trasladáronse o Scala onde se celebrou a cea de confraternidade. ? remate da cea proxectouse un vídeo con fotos de época do instituto, aportadas polos alumnos.
De seguido Manuel Barreiro leu unha emotiva carta que o profesor Víctor Aragonés dirixiu ós antigos compañeiros e alumnos.
Xosé Carlos Beiró foi o encargado de recordar, cunha sentida alocución, ós profesores e alumnos que xa non están con nos.
Finalmente Antonio Tubío Piñeiro, coñecido coma Maneiro, dirixiuse ós presentes para agradecer ós profesores a súa presenza e darlle grazas a marea que fixo posible que se xuntaran mais de cen persoas neste acto.
Como anécdota mais destacable comentou a sorpresa dalgúns profesores, cando lles apareceu na porta a policía preguntando por eles, ó non dispor doutro medio para contactar con estes.
A presenza dos profesores foi a sorpresa da xornada, dado que so os organizadores tiñan coñecemento dos que ían a asistir. Os profesores resultaron tamén sorprendidos pola asistencia de compañeiros que non volveran a ver desde aquela época.
Os profesores presentes, José Manuel Sánchez, Conchita Pose, Higinio Rodríguez, o matrimonio Angeles González e Hilario Saínz, Fita Garrido, o escritor Bernardino Graña e a directora Marisel Véliz, recibiron o cariño dos seus antigos alumnos, que lle agradeceron as súas ensinanzas, brindándolle, en pe, un prolongado aplauso cargado de simbolismo.
Destacable dos profesores foi o mozo espírito de Bernardino Graña, quen, moi minguado na súa condición física, por un recente ictus, quixo estar presente en todos os actos. E a presenza da directora, Isabel Véliz, considerada, polos seus compañeiros, como a verdadeira alma mater daquel grupo de mozos profesores que, con moi poucos medios, puxeron en marcha o recen creado instituto de Padrón.
A cea finalizou cun brindes polas moitas boas cousas que o Instituto de Padrón aportou as vidas dos presentes, entre elas o poder gozar da xuntanza que se estaba a celebrar.
? remate da cea os mais festeiros trasladáronse a discoteca do hotel, onde permaneceron ata altas horas da madrugada.
Galería de fotos:
A sesión de investidura comezou as 12 h. do mediodia coma estaba previsto. A secretaria chamou en primeiro lugar os concelleiros de menor e maior idade (Jorge Janeiro e Maria Isabel Castro). Eles serían os encargados de realizar o chamamento para que o resto de membros da corporación tomaran posesión coma concelleiros.
Os 11 membros da nova corporación pasaron a xurar ou prometer seu nomeamento coma concelleiros/as de Pontecesures.
Quedaba a alección do novo alcalde ou alcaldesa. Os primeiros de cada unha das listas eran os candidatos elixibles, pero renunciaron Angel Souto e Roque Araujo, polo que os 11 concelleiros terían que escoller entre Vidal Seage (PP), Mª Isabel Castro (IP) e Cecilia Tarela (BNG).
En primeiro lugar os 3 membros do PP votaron por Vidal Seage.
A continuación tocaba votar a Cecilia Tarela. Acadou a maioria de 6 votos, en función do pacto acadado dias antes entre o BNG – TEGA e PSdeG-PSOE.
O acadar maioria absoluta Cecelia Tarela era a nova alcaldesa de Pontecesures. Xa non procedería á votación por Mª Isabel Castro.
O alcalde cesante; Luis Alvarez Angueira, depediuse dos veciños para logo entregarlle o bastón de mando á nova alcaldesa.
Cecilia recollía o bastón de mando que simboliza a súa investidura coma alcaldesa.
Con Luis Alvarez Angueira instantes despois da investidura.
Xa co acto concluido, tempo de posar con familiares e amigos.
Na mañán do domingo, e grazas ó convenio firmado entre o Obradoiro CAB, o CB Rio Ulla e o Concello de Pontecesures no seu momento, un autobús con 50 persoas entre deportistas, adestradores e familiares acudiu ó Multiusos Fontes do Sar a presenciar o partido da xornada 3 da liga ACB entre o Obradoiro e o Gipuzcoa BAsket.
Especial mención para as integrantes dos equipos da categoria Infantil Feminia 2014-15, que tiveron ocasión de participar en concursos e xogar un partidillo no descanso do encontro da ACB.
Aqui podemos ver un enlace coas 3 galerías de fotos do que alí aconteceu:
(EDITO E COMPARTO DE NOVO PARA QUE SE VEXAN AS 3 GALERIAS DE FOTOS)
