Nestes dias arranca a temporada 2006-07 para os distintos equipos do club de 
baloncesto. Os senior e xuvenís levan dende o luns entrenando polas noites. Onte martes os equipos cadetes e infantís iniciaron os seus adestramentos, e os equipos femeninos o farán este venres pola tarde. Tan só os alevíns quedan ata principios de outubro, pois a sua liga empeza cara finais de novembro.
Nos vindeiros dias faremos unha nota pública para que aqueles nenos e nenas que estean interesadas en formar parte do club, se incorporen os adestramentos.
Esperemos que o campeonato do Mundo logrado pola selección española anime ós nenos/as e mozos/as a apuntarse a este deporte.
Asimesmo, esperemos facer desta páxina a nosa ventana ó mundo. Así temos pensado poñer as plantillas cando estean conformadas, resultados semanais, e calquera noticia que o club xenere, pois somos sobre 80 persoas as vinculadas ó deporte da canasta en Pontecesures.
O Concello de Pontecesures organizou outro ano mais, e coincidindo ca volta ó cole dos cativos, unha nova edición da Festa da Bicicleta. A cita será o vindeiro sábado día 9, e a hora de inicio da mesma a partir das 17.30 h na Plazuela, lugar de saida do percorrido, polo que se recomenda ós participantes estar a partir das 5 da tarde na Plazuela.
O pasado venres 25 á tardiña marcharon para o seu pais os 10 nenos e nenas que viñeran hai 2 meses, acollidos en familias de Valga Catoira e Pontecesures. As 20.30 h. partian cara o aeroporto que había de levar a estes nenos de volta á sua terra.
