Recupéranse dous servizos ferroviarios. Dende mañá haberá tren a Santiago ás 8:05 h. e a Vilagarcía ás 15:21 h.

É unha moi boa nova porque a partír de mañá luns, 7 de marzo, teremos un tren que sae para Santiago ás 8:05 h. chegando á capital de Galicia ás 8:27 h. En sentido contrario teremos un tren que sae de Santiago ás 15:00 h. e pasa por Pontecesures ás 15:21 h. para dirixirse logo a Vilagarcía, Pontevedra e Vigo.

Ámbolos dous servizos son fundamentais, pero sobre todo o das 8:05 h. para Santiago. Levamos case dous anos sen este servizo que era un dos máis utilizados por estudantes, traballadores e veciños en xeral.

As queixas e xestións de usuarios e colectivos diante de Renfe Comercial van dando froitos e iso sempre é de agradecer.

A Deputación de Pontevedra aproba achegas para contratar traballadores en Pontecesures.

O Plan Concellos da Deputación de Pontevedra continúa a achegar recursos á provincia con novas subvencións aprobadas pola Xunta de Goberno. Na súa última sesión. o órgano provincial deu luz verde a 1,5 millóns euros que favorecerán a contratación de 182 persoas dos concellos de Sanxenxo, Meaño, Cambados, Pontecesures, Cuntis, Portas Cerdedo-Cotobade, Poio e Tui.

A MESA PROVINCIAL DO CAMIÑO INCORPORA AOS CONCELLOS DA RUTA XACOBEA DO MAR DE AROUSA E RÍO ULLA.

Sanxenxo, Meaño, Catoira, O Grove, Cambados, Ribadumia, Vilagarcía, A Illa, Pontecesures, Valga, Caldas e Vilanova únense ao órgano promovido pola Deputación.

Os concellos da Ruta Xacobea do Mar de Arousa e Río Ulla incorporaranse á Mesa Provincial do Camiño promovida pola Deputación de Pontevedra para impulsar as rutas xacobeas da provincia. Na sesión telemática celebrada hoxe acordouse a inclusión destes municipios polos que transcorre este itinerario, Sanxenxo, Meaño, O Grove, Catoira, Cambados, Ribadumia, Vilagarcía, A Illa de Arousa, Vilanova, Valga, Pontecesures e Caldas. Así o referendaron as e os asistentes á Mesa, na que participaron, amais da  deputada de Turismo Ana Laura Iglesias, e o xefe provincial de Turismo da Xunta, Felipe Ferrero González; os alcaldes e alcaldesas da Guarda, Baiona, Portas, Redondela, Tui, Barro, Nigrán, Pontecesures, Soutomaior e Vilaboa e concelleiras e concelleiros de Valga, Mos, Silleda, Rodeiro, Pontevedra e Caldas.

Como lembrou Ana Laura Iglesias, en anteriores encontros coa presidencia da Mancomunidade do Salnés coincidiuse na necesidade de integrar estes municipios na Mesa Provincial do Camiño, co fin de dispoñer de información dos concellos polos que discorren os trazados oficiais dos camiños na provincia, así como dos proxectos, accións e investimentos para a conservación, valorización, promoción, recuperación, sinalización e xestión dos mesmos. A Mesa tamén ten como obxectivo difundir nacional e internacionalmente os valores culturais do Camiño e impulsar a cooperación e colaboración entre as administracións implicadas na súa xestión. A partir da próxima sesión da Mesa estes concellos poderán participar xa a través da figura do alcalde/sa ou persoa en quen deleguen. O representante da Xunta abstívose na votación da entrada destes concellos, ao non atenderse a súa demanda para a incorporación tamén dun representante da agrupación de concellos Mar de Santiago, que integra só a unha parte dos municipios da ruta.

No que respecta a esta petición, a Deputación insistiu en manter a composición formal da Mesa na que están os concellos e as asociacións do conxunto das rutas oficiais. Por outro lado, tamén pasará a integrar a Mesa o concello do Rosal, que a pesar de estar na ruta do Camiño Portugués da Costa, aínda non formaba parte do órgano da Deputación.

Doutra banda, a Mesa amosou o seu apoio ás demandas dos concellos da Guarda, O Rosal, Oia e Baiona en relación á problemática do transporte en ferri entre A Guarda e Caminha, pendente do arranxo do pantalán da Guarda por parte da Xunta e, neste senso, acordouse trasladar a Portos de Galicia a reivindicación destes municipios sobre a necesidade de reparar o peirao á maior brevidade.

Balance

No transcurso da sesión tamén se puxeron sobre a mesa as distintas actuacións de promoción e posta en valor do Camiño na provincia de Pontevedra ao longo do 2021. Neste senso, a Deputación realizou accións de promoción en todas as variantes do Camiño a través de medios en liña. Recursos como o Pazo de Oca, o Mosteiro de Carboeiro, a fonte termal de Caldas, o Mosteiro de Armenteira, a catedral e casco histórico de Tui ou a ponte de Ponte Sampaio formaron parte das campañas desenvolvidas nas redes sociais de Turismo Rías Baixas así como de medios especializados. Amais, elaborouse un vídeo promocional das diferentes rutas estreado no Fair Way, o IV Foro do Camiño de Santiago, e que tamén se divulgou unha presentación do destino Rías Baixas en Fitur. Dito vídeo pon o acento na sostibilidade deste recurso turístico e na paisaxe con todos os seus matices como elemento diferenciador de Galicia e da provincia cando se fai o Camiño e se chega a esta terra.

Doutra banda, no eido do impulso e a transformación como destino sostible destacouse a aprobación dun investimento de 2 millóns de euros para desenvolver o Plan de Sostibilidade Turística no Destino de Deza-Tabeirós-Montes dentro da convocatoria do Ministerio de Industria Comercio e Turismo do Plan Nacional Xacobeo. O obxectivo deste proxecto é promover a transformación do sector turístico destas comarcas polas que pasa a Vía da Prata e rutas que solicitaron o recoñecemento oficial como é o Camiño Miñoto-Ribeiro e orientalo cara a un modelo ecoturístico do Camiño e unha experiencia memorable para as persoas viaxeiras. Nas vindeiras semanas formalizarase a sinatura do convenio co Ministerio e realizarase un primeiro encontro cos concellos destas comarcas para o arranque deste plan.

As vindeiras actuacións de promoción da ruta xacobea inclúen en abril a apertura da exposición “Camiños do Sur”, que percorrerá cinco concellos da provincia polos que transcorre o Camiño Portugués promocionando este itinerario cultural europeo e os recursos turísticos da contorna.

A Deputación tamén levou a cabo actuacións en materia de seguridade peonil, sinalización, mantemento e mellora do itinerario. Así, realizouse a roza de todas as vías provinciais polas que pasan as rutas do Camiño de Santiago e, no caso do Camiño Portugués, acometéronse actuacións de calmado de tráfico en Valga-Martores, Caldas, Portas, Barro (Curro-Portela) e Soutomaior. Tamén se  procedeu ao ensanche na EP-2906 Os Valos- Guizán (Redondela) e está case rematada a humanización de San Amaro en Barro. Ademais, foron remitidos aos concellos os proxectos dos tramos Tomeza-Figueirido (Pontevedra); Mos-Puxeiros (en Mos), e para a mellora da mobilidade peonil na rúa do Parque en Caldas. No que atinxe á mellora da seguridade na EP-25002 en Ribadelouro (Tui), a actuación está pendente da expropiación.

No Camiño Portugués da Costa leváronse a cabo melloras de seguridade peonil en Baiona, no tramo Baredo-Lourenza, e de calmado de tráfico en Nigrán, no tramo de A Ramallosa. E na Vía da Prata en breve procederase á contratación da mellora da mobilidade peonil na EP-6102 en Rodeiro. Amais, procedeuse á mellora da sinalización vertical nas interseccións do Camiño de Santiago coas estradas provinciais nas rutas oficiais que pasan por esta provincia.

Doutra banda, a Deputación colaborou noutras actividades nos concellos, como “Meu Camiño, teu Camiño”, da entidade Prado Surf; “Unha aldea de Nadal no Camiño” da Asociación Etnográfica de Codeseda (Lalín); “Navegas Patrimonio Industrial Marítimo Pesqueiro no Camiño de Santiago”, da Fundación para a Pesca e o Marisqueo; «Galicia Escandinava. O Camiño do Oeste a Santiago de Compostela» da Fundación Carlos Casares e o Festival de Órgano no Camiño, da Orquestra Clásica de Vigo. Actividades ás que hai que unir outras no eido da conservación do Patrimonio, con actuacións nos bens de Silleda, Caldas, Redondela, Lalín, Barro, O Porriño, Soutomaior ou Portas.

Deputación Provincial

DIA DE ROSALIA.

O Concello de Pontecesures foi un dos seleccionados para recibir o material “ O Caldo de gloria” para a celebración do día de Rosalía, en colaboración coa Deputación de Pontevedra e a Fundación Rosalía de Castro.

A distribución de este material sobre a autora levarase a cabo na hostalería local con servicio de restaurante xa que está formado por manteles con un poema de Follas novas para lembrar a figura de Rosalía de Castro e celebrar a nosa cultura gastronómica popular.

ENTROIDO 2022 EN PONTECESURES: DOMINGO 27 DE FEBREIRO

O desfile e concurso de disfraces levaráse a cabo o domingo 27 de febreiro.

Prazo de inscrición dende o día seguinte á publicación do anuncio das BASES DO ENTROIDO 2022 EN PONTECESURES no Boletín Oficial da Provincia de Pontevedra ata o venres 25 de febreiro. Avisaráse a través deste medio da data de publicación no BOP e da apertura do prazo de inscrición. NON SE ACEPTARÁN INSCRICIÓNS ANTES DA APERTURA DO PRAZO.

 BASES ENTROIDO 2022
 FORMULARIO DE INSCRICIÓN ENTROIDO 2022

Fiscalía ratifica a súa petición de máis de oito anos de cárcere para un home por abuso e agresión sexual a tres nenas.

Xuízo contra un home por abuso e agresión sexual a tres nenas© PontevedraViva

A Fiscalía e a acusación particular ratificaron a súa petición de oito anos e nove meses de prisión para un home por abusar e agredir sexualmente ás dúas fillas e á sobriña, todas menores de idade, da súa parella. O acusado declarouse inocente.

A sección segunda da Audiencia Provincial de Pontevedra celebrou este martes o xuízo a porta pechada, excepto a declaración do acusado. 

No seu informe final, o fiscal, Alejandro Pazos indicou que a acusación quedou «plenamente acreditada» en canto aos feitos producidos e a natureza xurídica do comportamento do procesado. 

Segundo o representante do Ministerio Público, a sobriña do acusado relatou ante a sala de maneira «suficientemente clara y lógica» que en marzo de 2019, cando ela tiña 9 anos de idade, quedou a durmir no domicilio da súa tía, parella do investigado, en Caldas de Reis. Nesa casa vivían tamén as súas curmás, de menos de 14 anos, así como o home investigado. 

Segundo o relato referido desta nena, esa noite, aproveitando que as demais menores atopábanse nunha tenda próxima e a súa parella tampouco estaba na casa, o home, entrou na súa habitación e chamou á menor para que acudise. Ao chegar ao cuarto, a nena atopouse ao noivo da súa tía espido e co pene erecto.

Nese momento, o home indicoulle que se quitara a roupa e que se metera con el na cama. Ante a negativa da nena, o acusado agarrouna polos brazos e tirouna encima da cama, tras o que a menor conseguiu dar unha patada ao home nos seus xenitais. Aproveitou ese momento para fuxir da vivenda, mentres o home gritáballe: «Más te vale que no cuentes nada de esto porque si no voy a matar a tu madre y la segunda va a ser tu prima».

O acusado asegurou con rotundidade que «nunca» se produciron eses feitos e tamén negou as ameazas. «Yo nunca le he insinuado algo sexual, ni tocamientos absurdos ni nada a ninguna de ellas», declarou ante o tribunal.

A Fiscalía sostén que as probas de descargo presentadas pola defensa do acusado «no tienen consistencia» e, ao contrario «refuerzan la ausencia de incredibilidad subjetiva de la víctima» e mesmo algún das testemuñas que declararon en favor do acusado ofrecen unha «corroboración periférica de carácter objetivo» dos feitos relatados pola vítima.

O fiscal tamén se referiu á parella do acusado de quen dixo «mantiene una conducta tendente a proteger los comportamientos del acusado como padre y persona que protegió a las menores de edad en un momento dado y que le dio una estabilidad económica que de otra manera no tendría». Por estes motivos, o fiscal cre que a parella do acusado «pone por encima de cualquier otra consideración el interés por mantener esa relación afectiva».

A Fiscalía, ademais de pedir para o investigado catro anos e seis meses de prisión por un delito de agresión sexual a unha menor de 16 anos agravado por prevalerse o culpable dunha relación de superioridade ou de parentesco en grao de tentativa, solicita tamén tres anos e tres meses de prisión polo delito continuado de abusos sexuais a menores de 16 anos agravado por prevalerse dunha relación de superioridade ou de parentesco; e pide un ano máis polo delito de exhibicionismo e provocación sexual.

O acusado recoñeceu que na súa casa sempre está completamente espido ou espido da cintura para abaixo, un comportamento que mantén en presenza das fillas menores da súa parella. Tamén admitiu que entraba no baño espido cando se estaban bañando as menores e mesmo algún manoseo nos seus peitos e o cu «pero sin ningún afán», dixo negando un ánimo libidinoso neses tocamentos.

O letrado da defensa lembrou ás maxistradas que «la desnudez en si misma no es un hecho delictivo».

A fiscalía cre que as menores saen en defensa da parella da súa nai porque «han normalizado» o seu comportamiento «por el interés de la familia».

O avogado que exerce a acusación particular preguntoulle ao acusado pola existencia dun antecedente penal  cancelable por un delito de abuso sexual de menor de trece anos ou vítima vulnerable e de utilización de menores ou persoas discapacitadas con fins pornográficos derivado dunha sentenza de 2005 dun tribunal suízo. «Yo aún hoy no sé ni quién me denunció ni nada. No sé nada», limitouse a dicir o procesado.

O avogado da defensa insistiu en que«no existe prueba, ni tan siquiera un mínimo indicio» contra o seu cliente e descualificou á sobriña por » fabular» o relato. Por todo iso pediu a libre absolución para o acusado.

O xuízo quedou visto para sentenza. 

Pontevedra Viva