Resolución DOG: Ampliación tráficos da concesión do servizo público de transporte de viaxeiros por estrada, Vilagarcía-Pontecesures
Sae publicado na sección de Anuncios da administración autonómica no D.O.G. de hoxe:
Resolución do 19 de xuño de 2007, da Dirección Xeral de Transportes, pola que se somete a información pública o expediente de ampliación de tráficos da concesión do servizo público regular permanente de uso xeral de transporte de viaxeiros por estrada V-2646; XG-279, Vilagarcía-Pontecesures, con anexos.
Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse o expediente de ampliación de tráficos da concesión V-2646; XG-279 da titularidade de Empresa Pereira, S.A.Os interesados ou afectados no expediente poderán presentarse no procedemento e, tras o exame da documentación pertinente no Servizo Provincial de Transportes de Pontevedra (estación de autobuses), efectuar as alegacións que consideren oportunas no prazo dun mes, que se contará a partir do día seguinte ao da publicación deste anuncio no Diario Oficial de Galicia.
Santiago de Compostela, 19 de xuño de 2007.
Mar Chao López
Directora xeral de Transportes
0 comentarios