Convocatoria, bases e modelo de instancia para o posto de traballador/a social

CONVOCATORIA

VISTA a situación producida pola situación de excedencia da traballadora social Dna. Raquel López Doce, é necesario a contratación dunha persoa que a substitúa polo periodo desa excedencia.

CONSIDERANDO as atribucións conferidas polo artigo 21.1. g) da Lei 7/85, de 2 de abril, reguladora das bases do réxime local, segundo redacción dada pola Lei 11/99, de 21 de abril,

R E S O L V E:

Primeiro:- Que se proceda á selección dos/as candidatos/as necesarios/as para a provisión con carácter laboral temporal dun asistente social.

Segundo:- Para darlle publicidade a esta selección, inserirase un anuncio nun periódico de tirada comarcal e exporase un anuncio no taboleiro municipal de anuncios e en todos aqueles lugares onde se considere oportuno ata o 23/10/2007.

Terceiro:- A selección deste persoal rexerase en todo caso polas bases ás que neste intre se lles presta aprobación e que se recolle no anexo desta resolución.

Cuarto:- Os aspirantes que desexen tomar parte nesta selección deberán presentar as súas instancias no Rexistro Xeral do Concello de Pontecesures ata o día 23/10/2007 ás 14:00 horas.

As instancias irán acompañadas da seguinte documentación:

* Copia do DNI.
* Tarxeta de demandante de emprego do INEM, no caso de estar en situación de desemprego
* Declaración xurada das cargas familiares, e no seu caso fotocopia compulsada do libro de familia.
* Copia do carné de conducir.
* Currículo persoal sobre titulación e experiencia profesional vinculada a esta actividade, coa correspondente acreditación documental, mediante orixinais ou copias compulsadas.
* Copia do certificado que acredite o grado de perfeccionamento ó idioma galego.

Quinto:- O tribunal estará constituído da forma seguinte:

* Presidente: Dna. Mª Trinidad Rodríguez Suárez (Secretaria do Concello de Pontecesures. )
* Secretario: D. José Rodríguez Fructuoso (Técnico Local de Emprego do Concello de Pontecesures.)
* Vocais: Un representante do Colexio Oficial de Traballadores Sociais de Galicia.

O tribunal non poderá constituírse nin actuar sen a asistencia de máis da metade dos seus membros,, sendo sempre necesaria a presencia do Presidente e do Secretario.

O Tribunal cualificador, por medio do seu Presidente, poderá dispoñer a incorporación ó mesmo de Técnicos cualificados para colaborar nas tarefas de selección, baixo a dirección do Tribunal, actuando con voz pero sen voto.

No apartado de valoración de condicións globais desprezaranse as votacións dos membros do tribunal que se desvíen un 20% da media da puntuación total de cada un dos candidatos.

En ningún caso poderá formularse proposta de contratación a favor de máis candidatos que prazas estean convocadas.

Sexto:- Baremación e proposta de contratación:

1.- Con data de 26/10/2007 publicarase no taboleiro de anuncios do concello, un listado cos candidatos admitidos e excluídos, indicando as causas de exclusión, así como dunha prevaloración dos méritos presentados.

2.- Contra este listado, os interesados poderán formular reclamación perante o tribunal cualificador en escrito dirixido ó Sr. Alcalde ata o día 05/11/2007.

3.- Resoltas as reclamacións, publicaranse as listas definitivas do mesmo xeito ó establecido para as provisionais o día 07/11/2007. Asemade nesa mesma lista aparecerán os candidatos que, unha vez valorados os méritos, teñan a posibilidade de ser seleccionados para o posto ofertado, pasando a realizar unha entrevista.

A tal efecto eses aspirantes que pasen á fase de entrevista, quedan convocados para o luns 12/11/2007 ás 11:00 horas na sala de xuntanzas da Casa Consistorial. Serán convocados para a entrevista por nomeamento único e a non presentación ó momento de ser chamados determinará automaticamente, salvo caso de forza maior acreditada de maneira fidedigna, e apreciada libremente polo Tribunal, o decaemento do seu dereito a participar no mesmo e nos sucesivos, quedando excluído, na súa consecuencia, do proceso selectivo.

O Tribunal poderá requirir en calquera momento ós aspirantes que se identifiquen debidamente. A tal efecto deberán de concorrer provistos do DNI.

Por non ser de obrigatoria a súa publicación, os anuncios de celebración das sucesivas probas ou exercicios, si eso procedese, con indicación do lugar e hora en que tivesen lugar, exporanse no taboleiro de anuncios da Casa Consistorial, ó menos con 48 horas de antelación.

Unha vez realizadas e valoradas as entrevistas, o tribunal elevará proposta de nomeamento ó alcalde, que fará o nomeamento definitivo mediante resolución de alcaldía, formalizándose o contrato laboral temporal suxeito á lexislación laboral, Estatuto dos Traballadores e normas que o desenvolvan, debendo presentar no Departamento de Persoal a documentación esixida nas Bases.

Sétimo:- O tribunal queda facultado para resolver tódalas cuestións que puideran suscitarse durante o desenvolvemento das probas ou na cualificación e resolverá das mesmas, podendo adoptar cantas medidas estimen oportunas para a debida orde de selección, así coma os acordos precisos para a resolución de cantos litixios se susciten e cando a súa resolución non este prevista nestas bases.

Para o non previsto nas presentes bases aplicarase a normativa referente ó ingreso de persoal das Administración Públicas.

Oitavo:- Da presente resolución darase conta ó Pleno da corporación na vindeira sesión ordinaria que este órgano realice.

ANEXO BASES

BASES PARA CUBRIR MEDIANTE CONTRATO LABORAL TEMPORAL DUNHA PRAZA DE ASISTENTE SOCIAL

1º .-OBXECTO:

A contratación temporal de un/unha asistente social ata a reincorporación da titular ó seu posto.

2º .- CONDICI�?NS DO CONTRATO:

O contrato de traballo será da modalidade �??de interinidade�?� a xornada completa dende o 14/11/2007 ata a reincorporación de Dna. Raquel López Doce ó seu posto de traballo.

As retribucións brutas serán as mesmas que as existentes ata a data no posto de traballo, agás a antigüedade.

3º.- SISTEMA DE ACCESO:

O sistema de acceso é o de concurso libre.

4º.- REQUISITOS DOS CANDIDATOS

Para poder tomar parte no Concurso será necesario que os aspirantes reúnan, na data de finalización do prazo de presentación de instancias, os seguintes requisitos:

A) Pertencer a calquera dos Estados asinantes do Tratado da Unión Europea e o Acordo sobre o Espacio Económico Europeo, con coñecementos suficientes da lingua galega.

B) Os estranxeiros que non pertenzan a algún dos Estados asinantes do Tratado da Unión Europea, deberán ter permiso de traballo cunha duración mínima de 12 meses, a titulación esixida para o posto ó que optan homologada polo Estado español e os coñecementos suficientes de lingua galega.

C) Ter cumpridos os 16 anos de idade e non exceder de aquela para a xubilación forzosa por idade.

D) Non padecer enfermidade ou defecto físico ou psíquico que impida o desenvolvemento das funcións propias do posto de traballo.

A condición de minusvalía ou incapacidade e a súa compatibilidade co posto a ocupar acreditarase conforme á normativa vixente e referida ó día de formalización do contrato mediante certificado médico oficial, caso de ser seleccionado.

E) Non estar afectado por motivos de incompatibilidade recollidos nas disposicións da Lei de Incompatibilidades referidos ó persoal das Administracións Públicas.

F)Titulación universitaria de diplomado/a en Traballo Social.

G) Estar en posesión do carné de conducir clase B

H) Estar en posesión de diploma ou certificado que acredite o grado de perfeccionamento do idioma galego.

5º.- BAREMO DE VALORACI�?N DE M�?RITOS.

1).- Titulación a maiores da requerida.- Puntuación máxima 3 puntos.

a) Diplomatura relacionada co posto: 1 punto.
b) Licenciatura relacionada co posto: 2 puntos.

2).- Experiencia profesional.- Máximo 3 puntos en total.

Valoraranse traballos prestados nas diferentes administracións públicas e en empresas privadas como Traballadora Social.
A puntuación outorgarase por meses efectivos de traballo a xornada completa. As contratacións a tempo parcial ratearanse segundo corresponda e o resto de días soltos sumarán meses se alcanzan o número de 30.

As puntuacións serán:

* Experiencia como Traballadora Social en Servicios Sociais de Atención Primaria: 0.15 puntos/mes.
* Experiencia como Traballadora Social noutros postos de Administracións e Organismos Públicos: 0.10 puntos/mes.
* Experiencia como Traballadora Social na empresa privada: 0.05 puntos/mes.

Esta experiencia laboral acreditarase mediante contrato de traballo e certificado de vida laboral expedido pola Tesourería Xeral da Seguridade Social.

3).- Cursos. Máximo 3 puntos.

Valoraranse cursos que estean relacionados co posto, da maneira que segue:

a) Por cada curso impartido polas administracións públicas, universidades ou Servizo Público de Emprego relacionado coas funcións que se van a desempeñar:

* De 20 a 59 horas: 0,20 puntos/curso
* De 60 a 99 horas: 0,40 puntos/curso
* De 100 a 149 horas: 1 punto/curso
* De 150 ou mais: 2 puntos/curso

Neste apartado inclúense os cursos de Técnicos Superiores e/ou Másters impartidos polas universidades públicas

b) Os cursos sobre ofimática puntuaranse segundo o anterior apartado e cun tope máximo de un punto.

c) Non se valorará ningún curso que non sexa impartido pola Administración da Comunidade Autónoma de Galicia (Consellerías) Administración do Estado (Ministerios) Universidades Públicas e Servizo Público de Emprego, ou que estean debidamente homologados polos mesmos organismos.

d) Non se valorará ningún curso en que a materia estea comprendida dentro do temario doutro curso de máis horas presentado polo mesmo solicitante.

4) Entrevista persoal. Máximo 2 puntos.

Os candidatos que, unha vez valorados os méritos, teñan a posibilidade de ser seleccionados para o posto ofertado, realizarán unha entrevista persoal que versará sobre as tarefas a desenvolver no posto de Asistente Social.
A tal efecto, con data de 05/11/2007 publicarase unha lista definitiva de valoración de méritos, onde asemade aparecerán os candidatos que se deben de presentar á entrevista o día 12/11/2007 ás 11:00 horas.

Don/Dona _ _ _ _ _ _ _ _ _ _ _ _ _ _ _ _ _ _ _ _ _ con DNI _ _ _ _ _ _ _ e domicilio en _ _ _ _ _ _ _ _ _ , parroquia de _ _ _ _ _ _ _ _ , municipio de _ _ _ _ _ _ _ _ _ _ , teléfono de contacto_ _ _ _ _ _ ,

EXPO�?O:

Que ó abeiro da Resolución de Alcaldía de data de 16/10/2007 no que se aproban as bases para a contratación laboral temporal dun/ha asistente social,

ACOMPA�?O A SEGUINTE DOCUMENTACI�?N:

* Copia compulsada do DNI.
* Documentación relativa a minusvalía no seu caso.
* Currículum vitae coas copias documentais de experiencia e formación relativa ó posto solicitado.
* Copia compulsada carné de conducir
* Declaración xurada de cargas familiares/ copia libro de familia.
* Copia compulsada do diploma/ certificado idioma galego.
* Copia compulsada da tarxeta de demandante de emprego.

SOLICITO:

Que teña a ben admiti-la miña solicitude para optar á praza de asistente social.

Pontecesures, _ _ de outubro de 2007

Asdo.:

SRA. ALCALDESA-PRESIDENTA DO CONCELLO DE PONTECESURES