A case 4.000 euros ascende o custo da colocación da varanda roubada no Galiñeiro.

No día de hoxe realizouse a valoración do dano no peche perimetral do antigo vertedeiro de lixo no Galiñeiro. Foron en realidade 120 metros lineais os substraidos e o orzamento da colocación dos madeiros ascende a 3.975 euros.
O módulo de xardiñería forestal do obradoiro «Pontecesures II» xa tiña previsto dentro do plan de formación dos alumnos o acondicionamento e conservación de toda a zona do Galiñeiro (miradoiro e zona que ocupaba o antigo vertedoiro). Unha vez executados estes traballos que consistirán na limpeza, conservación das árbores existentes e plantación de outras, acometerase a colocación dos madeiros substraídos. Non se ten nova algunha sobre o autor ou autores do roubo, e seguen as investigacións por parte da Garda Civil de Valga.