Aparece un visón na rúa Nova de Pontecesures.

A primeira hora da tarde apareceu un visón de cor marrón oscuro de tamaño considerable na rúa Nova. O can de Socorro Frois decatouse da presencia na parte traseira da súa propiedade. O visón cruzou ata un caleixón da propia rúa e o persoal do Seprona, que foi avisado, non foi quen ata o de agora de atrapalo e metelo nunha gaiola. Escapou para a leira traseira da vivenda baleira situada no nº 7 da rúa.