Remata a obra de acondicionamento do pavillón de Pontecesures.
Hai uns días rematou a terceira das obras incluidas no Plan E 2010. Logo de executarse o saneamento dunha variante da rúa do Campo en Porto, e de realizarse a obra de mellora no Campo de Fútbol Ramón Diéguez (reforzo dunha parte do muro perimetral de cerre, acondicionamento da beirarrúa que limita coa instalación, iluminación da tribuna e recuperación do local baixo dita tribuna), a semana pasada rematou a obra «Acondicionamento do Pavillón de Deportes de Pontecesures», que tivo un custo de 12.143,74 euros.
En concreto, colocáronse novas portas no recinto, tamén novos asentos que faltaban nas tribunas e unha rede tras as porterías para reter os balóns e facilitar a práctica do fútbol sala. Foi pintada a zona de entrada no exterior do edificio e foi construída unha varanda de protección na zona de asentos da tribuna como medida de seguridade e para protexer ditos.
0 comentarios