A megafonía do Salón de Plenos de Pontecesures segue sen arranxarse.
Como a megafonía do Salón de Plenos da Casa Consistorial de Pontecesures levaba moitísimo tempo sen funcionar, a ACP presentou unha moción ao Pleno o pasado 10 de decembro para que se acometera o arranxo con urxencia xa que o público asistente ao plenos, os membros da corporación, e os medios de comunicación tiñan verdadeiras dificultades para seguir os debates plenarios. Os veciños queixábanse desta deficiencia e dábase unha mala imaxe da institución
Pois ben; a moción foi debatida no pleno ordinario de xaneiro e foi aprobada cos votos a favor dos concelleiros da oposición e as abstencións dos integrantes do goberno local. Pero na práctica non se arranxou nada e estamos como estabamos. Falouse no pleno por parte do goberno local de que había humidades que afectaban ao cableado e dificultaban o arranxo, e non sabemos nada máis.
Non entende a ACP como non se soluciona este asunto, amosando unha vez máis o goberno local a súa inoperatividade. Somos sempre partidarios de fomentar a información aos veciños e a participación cidadá e o equipo de goberno practica todo o contrario.
No pleno ordinario de novembro xa fora rexeitada polo goberno local outra moción da ACP para que os veciños tiveran a opción de formular rogos e preguntas ao rematar os plenos ordinarios e agora nin se arranxa a megafonía. O sexa; os veciños de Pontecesures nin poden falar ao remate dos plenos nin, alomenos, escoitar o que se debate.
Esperemos que a deficiencia sexa arranxada en breve para non vernos na obriga de acodir cun megáfono de batería en futuras sesións. Será mellor iso que fallarlle ao respecto aos asistentes.
Pontecesures, 16/02/13
Luis Ángel Sabariz Rolán
Concelleiro da ACP Pontecesures
2 comentarios
piris · 17-02-2013 a las 12:50
Supoño que o equipo de goberno estará a esperar un PRESUPOSTO, para non cometer irregularidades…….. (como fixeron outros?)
Luis Angel Sabariz Rolán · 17-02-2013 a las 14:21
Logo de tantos meses. o arranxo da megafonía, trámites e xestións incluídas, debe ser acometido canto antes.