Ã? tempo de camelia no concello de Valga.

A camelia anticipa a chegada da primavera e pecha o frío do inverno. Antes de que murchen, o concello de Valga apura a celebración da VII edición da Exposición da Camelia Bella Otero, que terá lugar a vindeira fin de semana, aínda que moitas actividades xa se están levando a cabo ao longo destes días. Organizado pola Asociación de Mulleres Rurais Albor, en colaboración co Concello, o certame incorpora novas actividades nas que a protagonista indiscutible é esta flor de inverno.
Así, a ruta da camelia é un dos principais atractivos nesta nova edición. Presentarase un pack turístico onde se fará unha ruta pola zona valguesa de producción de camelias e rematará cunha visita guiada ás excavación da Igrexa Vella. Os interesados poderán degustar un menú polo prezo de 6,50 euros.
Tamén están en marcha as xornadas formativas a través da Rede. Os alulmnos da Aula Cemita elaborarán un traballo de investigación sobre a camelia para presentalo nunha exposición. «A Camelia en Valga» é unha aula didáctica posta en marcha como actividade extraescolar para que os nenos amplíen os seus coñecementos sobre esta flor.
O vindeiro sábado 16 de marzo, ás 10 horas, levarase a cabo no Auditorio municipal do concello de Valga a recepción das camelias dos expositores e ás 12:30 terá lugar a Ruta da Camelia Bella Otero,. Xa ás 13 horas será a quenda de inauguración e apertura de exposición ao público. A plantación sa camelia conmemorativa será ás 17 horas no cruce Camiño Real e, posteriormente, ás 17:30 horas procederase á entrega de premios. A continuación, ás 18 horas os solistas da Escola de Música municipal amenizarán a xornada.
O domingo, día 17 de marzo, a partir das 11 horas, terá lugar a apertura da exposición de camelias. Xa pola tarde, ás 18 horas. será a quenda do enxeñeiro agrícola forestal especialista en hortofruticultura e xardinería Fernando Gerino Ferreirós, que se encargará de achegar os seus coñecementos aos veciños do municipio na conferencia «Técnicas básicas para o coidado, cultivo e propagación da camelia». Os interesados poderán visitar a mostra ata ás 20:30 horas, cando se procederá a clausurar a exposición.
O principal obxectivo do certame é animar aos expositores a participar na iniciativa e aumentar o interese por esta flor invernal, o seu cultivo, a divulgación, así como o respecto polo medio natural.
A mostra «Camelia Balla Otero» constitúe unha das grandes citas na comarca do Umia/Ulla para os amantes desta flor. Os participantes gañadores na mostra recibirán unha fermosa camelia das variedades da colección da Deputación de Pontevedra.

DIARO DE PONTEVEDRA, 13/03/13