CONCELLO DE PONTECESURES

Arranca a Escola Municipal de Verán de Baloncesto en Pontecesures

CARTEL-ESCOLA-BASKET-WEB2

Nesta edición contará coa axuda dun grupo de voluntarios

A Escola de Verán de Baloncesto de Pontecesures comeza este mes de agosto para nenos e nenas nas categorías infantil, alevín, xunior e cadete. Os interesados poden  inscribirse no mesmo Pavillón Municipal de Deportes. As clases comezarán o 1 de agosto e impartiranse durante todo el mes de agosto polas mañáns de luns a venres e en diferentes horarios segundo as categorías.

Nesta ocasión, os adestradores dos equipos de baloncesto contarán coa axuda dun grupo de voluntarios deportivos, que participarán activamente nos entrenamientos. Este grupo de voluntariado está formado por rapaces aficionados ao deporte da canasta, comprometidos coa actividade e que ven en no deporte unha ferramenta para a creación de alternativas saudables de ocio e educación en valores, ao tempo que acadan formación como adestradores deportivos.

Por CONCELLO DE PONTECESURES, hace

Pontecesures inicia un curso de iniciación á informática para a terceira idade

Esta actividade ten como obxectivo achegar aos veciños e veciñas de máis idade ás novas tecnoloxías.

Trátase dunha proposta dirixida a persoas adultas e, especialmente, á terceira idade. Dito curso ten por obxecto principal ensinar aos alumnos e alumnas coñecementos básicos de informática (por exemplo, os pasos que deben seguirse para pedir cita no médico a través de internet).

Este curso é totalmente gratuíto para as persoas interesada en participar nel, e se desenvolverá a partires do mes de agosto no flamante aula TIC establecida no semisoto do Concello.

O prazo de inscrición neste proxecto xa está aberto. Para anotarse é preciso acudir á da Casa do Concello, en horario de oficina. O número de prazas é limitado (ofértanse un total de 15).

As sesións impartiranse os venres de 10 h. a 11.30 h. e o obxectivo e introducir aos asistentes en conceptos básicos de informática e no mundo das novas tecnoloxías. A idea é partir de cero, polo que non se require formación nin coñecementos previos. As clases serán impartidas por membros do Programa de Voluntariado Dixital da Xunta de Galicia.

Por CONCELLO DE PONTECESURES, hace

Declaración oficial da Corporación Municipal de Pontecesures ante o accidente ferroviario de Santiago de Compostela

A Corporación Municipal de Pontecesures, reunida de xeito extraordinario decidiu adoptar a seguinte Declaración Institucional:

Na véspera do Día de Galicia, a nosa terra foi golpeada por un terrible accidente ferroviario que ocasionou un grande número de vítimas mortais e feridos de diversa gravidade.

Por desgraza, a conmoción provocada por este accidente é aínda maior na nosa vila, cando puidemos confirmar que un dos falecidos, Antonio Jamardo Villamarín, é natural de Pontecesures.

En nome de todos os veciños e veciñas de Pontecesures queremos expresar as nosas condolencias ás familias de todas as vítimas deste suceso, e moi especialmente á deste veciño.

Este Concello únese a declaración do Consello Extraordinario da Xunta, e declara sete días de loito oficial así como o ondeo das bandeiras a media hasta con crespón negro durante este período, como mostra da tristura e pésame de todos os cesureños e cesureñas coas vítimas.

Tamén convoca a toda a veciñanza mañá 26 de xullo ás 12 do mediodía na Plazuela a cinco minutos de silencio, coma símbolo de solidariedade cos afectados por este tráxico suceso, e en especial co conveciño Antonio Jamardo.

Por último, agradecer aos equipos de auxilio, protección civil, corpos e forzas de seguridade, sanitarios, e en xeral, a todos os cidadáns que de xeito voluntario colaboraron nas tarefas de socorro no accidente.

Pontecesures, 25 de xullo de 2013

Por CONCELLO DE PONTECESURES, hace

Pontecesures ofrece en agosto clases de reforzo para familias con problemas económicos

O Concello de Pontecesures anuncia a promoción durante o mes de agosto de clases particulares totalmente de balde para nenos e nenas de todos os niveis educativos cuxas familias teñan problemas económicos.

Con esta iniciativa se pretende garantir que todo o alumnado, teña recursos ou non, poida acceder aos mesmos servizos durante o verán, nomeadamente nunha época como esta de crise económica, que conleva que moitas familias non dispoñan dos recursos necesarios para que os seus fillos e fillas cursen clases de apoio ou de preparación dos exames de setembro.

Os docentes son un grupo de mozos e mozas que xa remataron as súas carreiras universitarias ou están a piques de facelo, que ofrecen os seus servizos dun xeito voluntario. Deste xeito, queda garantida a formación en todas as materias e para todos os niveis. O concello quere agradecer publicamente o esforzo desinteresado destas persoas, sen as que sería imposible poñer en marcha este servizo, o mesmo tempo que anuncia que ainda poden sumarse máis voluntarios a esta actividade.

As clases impartiranse durante o mes de agosto na Casa do Concello, en horario de mañá, durante dous días á semana. Así mesmo, os rapaces recibirán formación unha hora por clase.

As persoas interesadas en tomar parte destas clases deberán acudir a Servizos Sociais, no seu horario habitual de atención ao público, durante o presente mes de xullo, xa que as previsións do goberno local pasan por iniciar esta actividade o 1 de agosto. No momento de cursar a inscripción, haberá que dicir a idade do beneficiario, o curso académico e as materias das que desexa recibir a formación de apoio ou para realizar os exames de setembro.

Por CONCELLO DE PONTECESURES, hace

Pontecesures continúa co Ciclo Amal

O ciclo de Cine Euroárabe Amal 2013 continúa este venres en Pontecesures coa proxección de dúas películas, Por unha banda, ??Rabat? (Holanda, 65??), que narra a historia de tres amigos que poñen rumbo a Marrocos desde Holanda para cumprir cun favor aparentemente sinxelo: entregar o taxi do pai de Nadir ó home que o mercou. Durante o camiño vivirán situacións inesperadas e encontros con persoas que marcarán as súas decisións. Rabat non só fala da amizade dos tres mozos, senón tamén do conflito entre os valores de modernidade e tradición que vive a poboación inmigrante nas sociedades occidentais. Por outra banda, ??Eid? (Palestina, 9??), un documental onde Eid Suliman é un artesán do plástico que vive en Palestina baixo a ocupación israelí, onde se adica á fabricación de obxectos con pezas que os demais considerarían refugallo. A pesar de non contar coa aprobación da súa comunidade, conságrase con paciencia e paixón á construción de miniaturas, unha tarefa que lle fai ser optimista ante a situación de conflito que se vive nos territorios palestinos.

As proxeccións serán ás nove da noite no Centro Social.

Por CONCELLO DE PONTECESURES, hace

Pontecesures abre inscrición nas actividades do programa Lecer e Consumo da Escola Galega deConsumo

O Concello de Pontecesures organiza dúas actividades dentro do programa Lecer e Consumo que O Instituto Galego de Consumo, a través da Escola Galega de Consumo, o día 8 de agosto para nenos de entre 3 e 16 anos.

 Estás actividades están orientadas a achegar a poboación os valores do consumo responsable a través de actividades participativas e lúdicas que este ano xiran entorno os xoguetes populares.

A acción está programada en 2 talleres:

O primeiro, as 10:30, está destinado a nenos de 3 a 9 anos e que se denomina: CRITERIOS PARA A ESCOLLA DE XOGUETES: XOGAMOS EN IGUALDADE, na que se realizarán xogos populares e lectura de contos, e que ten como obxectivo dar a coñecer alternativas de ocio que respondan os intereses reais individuais e non ás socialmente aceptadas como disfrute comercial.

A segunda, as 12:00, orientada a nenos de 9 a 16 anos será a XINCANA DE LECER E PUBLICIDADE, cuxo obxectivo é observar diferentes actividades de lecer relacionándose de forma lúdica co resto do grupo e valorando distintas posibilidades.

Para inscribirse ou recibir máis información, os interesados poderán facelo nas oficinas municipais. O prazo para presentar as solicitudes remata o 5 de agosto, e deberán ir acompañadas da fotocopia do DNI.

Por CONCELLO DE PONTECESURES, hace