No día de hoxe remataronse as obras de reposición do firme de caucho do paso a nivel do centro do pobo que foran solicitadas polo equipo de goberno o 24 de maio de 2012.
Estado anterior:
Estado actual:
Sin Categoria
Os rapaces e rapazas que están participando na ludoteca de verán visitarán a exposición «Galicia conservando a natureza» na Casa do Concello.
O vindeiro venres 13 de xullo a partir das 11.00 da mañá os rapaces e rapazas que están a participar na ludoteca de verán en Pontecesures farán unha visita guiada á exposición GALICIA: CONSERVANDO A NATUREZA na Casa do Concello de Pontecesures. Esta visita guiada, ademais, está aberta a tódolos rapaces/as que queiran asistir; tan so teñen que estar as 11.00 horas na Casa do Concello.
Concello
Rematan as obras de derribo dunhas casas en ruinas na Rúa Diputación
Logo das queixas dos veciños da zona do estado en ruinas dunhas casas, nun caleixón da Rúa Diputación, e tras as xestións feitas polo equipo de goberno cos propietarios, no día de hoxe remataron as obras do derribo.
O estado ruinoso das casas supoñía non soamente un perigo de caida de escombros senón que tamén provocaba a falta de salubridade na zona (silvas e maleza así como todo tipo de bichos como lagartos, ratas, serpes, etc)
Aproveitando a ocasión operarios de obras do concello colocaron esta mañán un tubo de drenaxe e acondicionaron o lugar con gravilla para recoller as augas que se acumulaban na zona.
Este equipo de goberno quere agradecer ós veciños afectados a súa comprensión así como ós propietarios a súa colaboración.
Estado da zona antes das obras:
Estado da zona despois das obras:
Sin Categoria
Peche ao tráfico da rúa San Lois por obras no paso a nivel.
Dende ás 21.00 horas do mércores 11 de xullo ata ás 8.00 horas do xoves 12 (horario estimado) a Rúa San Lois ??dende a Plazuela ata a intersección coa Travesía do Muelle e a Rúa da Estación- permanecerá pechada ao tráfico debido ás obras que persoal de ADIF vai levar a cabo no paso a nivel.
Sin Categoria
Exposición Galicia: Conservando a natureza.
Trátase dunha exposición didáctica itinerante presentada pola Xunta de Galicia e a Obra Social La Caixa.
Na aula do semisoto da Casa do Concello de Pontecesures dende o 9 ata o14 de xullo, aberta ao público de 9.00 a 14.00 horas.
O obxectivo desta exposición é presentar ao público a diversidade e singularidade dos nosos espazos naturais protexidos, co fin de concienciar á poboación sobre a importancia da conservación do medio natural, e do seu propio papel na preservación da natureza e das súas especies
A exposición incorpora material expositivo e didáctico, con visitas guiadas e xogos, a través dos cales os visitantes poderán comprender o significado das figuras de protección, e desenvolverán actitudes de responsabilidade fronte a conservación ambiental.
Sin Categoria
Peregrinación Marítimo Fluvial da Ruta Xacobea do Mar de Arousa e Ulla
Este vindeiro sábado 7 de xullo celebrarase aXXVIII Peregrinación Marítimo Fluvial da Ruta Xacobea do Mar de Arousa e Ulla, que conmemora a Translación do Apóstolo Santiago dende Jaffa (Palestina) a Iria Flavia.
Dende o Concello de Pontecesures animamos a cidadanía a participar e que acudan a recibir ao barco que vai facer o remonte do río Ulla, que arribará ao peirao deste concello en torno ás 19 h.