47 estudantes visitan este venres a exposición fotográfica que acolle o concello de Pontecesures

Agareso impartirá dúas charlas por grupos para explicarlles como se vive nos campos de refuxiados de Alxeria

Alumnos e alumnas do centro de ensinanza secundaria de Pontecesures acudirán este venres 2 de marzo a visitar a exposición fotográfica �??De Sanxenxo ao Sáhara: Vacacións en Paz�?� que mostra a historia en imaxes de Salama e Jadidja, un neno e unha nena saharauís que forman parte do programa de Vacacións en Paz que trae cada verán a Sanxenxo a rapaces e rapazas que viven e crecen nos campos de refuxiados de Alxeria. A mostra fotográfica e o documental, elaborado por a Asociación Galega de Reporteiros Solidarios (Agareso) reflexa a súa experiencia estival en España e a súa vida cotiá no deserto.

O fotógrafo Pelu Vidal, xunto coas xornalistas Natalia Puga e Lara Varela, e o cámara Suso Lago, baixo a coordinación de Laura López, realizaron este proxecto de sensibilización no 2008 que tivo como un dos seus resultados a exposición fotográfica «De Sanxenxo ao Sáhara: Vacacións en Paz», que, tras inaugurarse o pasado 16 de febreiro, agora se compartirá con estudantes de 1º e 2º de ESO do municipio para que teñan unha un achegamento á realidade dos nenos e nenas que viven no Sáhara.

A voluntaria Natalia Puga será a encargada de impartir as charlas e de responder ás preguntas do alumnado. A visita á exposición realizarase en dous grupos, un de 21 rapaces e outro de 26, para facilitar a súa asimilación e o debate entre os asistentes. Este tipo de actividades forman parte do traballo de sensibilización que realiza a ONGD Agareso en Galicia e que busca que os e as escolares teñan máis e mellores coñecementos das realidades dos países do Sur, ao mesmo tempo que se fomentan valores como a igualdade, a solidariedade e a tolerancia.

Un dos primeiro proxectos da ONGD

No verán do ano 2008, este equipo de reporteiros de Agareso seguiu a estancia dos dous nenos saharauís en Sanxenxo, xunto coa súa familia galega,  e acompañounos no seu regreso á casa despois de pasar dous meses na nosa terra. O programa Vacacións en Paz, operativo desde hai 18 anos, permite dar unha tregua aos máis pequenos durante os meses estivais, cando as temperaturas no deserto roldan os 50 graos.

España é un dos destinos preferente de miles de nenos que reciben así a aperta dun país onde as vacinas, os medicamentos, a tecnoloxía, os alimentos e a auga forman parte da vida cotiá, pero que na súa realidade as veces escasean. Ás atención médicas que reciben, se suman o sentimento das familias de acollida, que acaban integrando a estes nenos e nenas como un máis da súa casa. Este proceso non só é beneficioso para os saharauís, senón que os nosos propios nenos e nenas aprenden con estes programas que hai outras formas de vivir e outras culturas diferentes, e que os unen moitas máis cousas das que os separan.

A selección de imaxes desta exposición pretende mostrar a experiencia de dous nenos, Salama e Jadidja. A través da serenidade de Salama e a espontaneidade de Jadidja, os reporteiros transmitiron á sociedade o día a día dos saharauís e mostraron que as diferenzas entre un neno e unha nena de Galicia e outro do Sáhara son máis ben superficiais, e que tanto alí como aquí o cariño da súas familias e a capacidade para aprender e divertirse son común a todos.