Dende o BNG Pontecesures, reivindicamos xunto cos compañeiros e compañeiras do BNG de Valga a falta de pediatras. Son moitas as familias cesureñas usuarias do servizo de pediatría do Centro de Saúde Baño, polo que demandamos tamén que se cubra de forma digna este servizo imprescindible. Familias usuarias de pediatría do Centro de Saúde de Baño fixéronnos chegar varias queixas denunciando que non se está cubrindo na súa totalidade a baixa do servizo de pediatría desde comezos de verán. A falta de planificación por parte da Xunta de Galiza e a ausencia de alternativas, fai que as familias vexan reducido o número de horas na atención pediátrica en Valga.
A alcaldesa de #Pontecesures, María Teresa Tocino, asistiu á presentación de resultados do programa de Apoio Integral que Andaina Pro Saúde Mental está a desenvolver dende o centro de rehabilitación psicosocial e laboral de Boiro. Trátase dunha interesante iniciativa que busca aumentar a autonomía das persoas con trastorno mental grave e aumentar a rede de apoio a estas persoas.
Dende o Concello de Pontecesures trasladamos o noso apoio e solidariedade coas persoas que participan nestes programas, as súas familias e todas aquelas entidades que, como APSM, colaboran á hora de facilitarlles o seu día a día.
Un estudo promovido polo Concello e a Misión Biolóxica de Galicia busca poñer en valor o compost urbano.
Participante no estudo xunto a un cultivo de tomates.
O obxectivo é avanzar cara un sistema produtivo máis sostible e con menor impacto no medio ambiente, demostrando que o compost natural non ten repercusións negativas sobre os cultivos e o solo, de maneira que poda chegar a comercializarse e a empregarse en plantacións agrícolas de forma regular.
Para realizar o estudo elixíronse catro cultivos por ser representativos da horticultura da zona. Nestas semanas, cunha periodicidade semanal, estase a recoller a colleita de tomates, buscando analizar o número de pezas, o seu peso, aspecto e valor comercial, así como a aparición de froitos enfermos ou defectuosos.https://9a84156a8993e7e8ccc467d906e3f9d2.safeframe.googlesyndication.com/safeframe/1-0-40/html/container.html
Con anterioridade tivo lugar a recolleita de leitugas, cuxo análise realizouse de maneira que retirouse un número determinado de follas en función do tamaño das cabezas que se enviaron aos laboratorios do CSIC para deshidratalas e analizalas. A seguinte especie en dar froitos será a xudía e, por último, farase a colleita de trigo.
Estes ensaios repetiranse no ano 2024 e os datos obtidos aparecerán nun informe publicado nunha revista especializada.
