Na pasada noite unha ou varias persoas entraron nas instalacións de Grúas Estación preto da zona portuaria de Pontecesures (rúa Eugenio Escuredo) e puxeron en marcha o motor de catro elevadores no recinto. Foi un empregado municipal de limpeza o que apagou a maquinaria a primeira hora da mañá.
Na rúa Carlos Maside foi obxecto de pintadas de cor negra unha furgoneta branca propiedad de C.J.D., residente en Pontecesures.
Por outra banda, os descoñecidos tentaron volcar dous contedores para a recollida de cartón (un na praza de Pontevedra e outro na rúa Portarraxoi), que se atopan agora inclinados. Chamouse á empresa responsable da limpeza para que se vacie o cartón con carácter inmediato porque os dispositivos poden desplomarse sobre a calzada en calquera momento.
Os feitos foron postos en coñecemento da Garda Civil de Valga
Concello
En Pontecesures, 23 habitantes menos.
Los tres municipios de la comarca de Ullán se mantienen en cifras de habitantes similares al pasado año. Así, el INE otorga a Catoira la cifra de 3.485 habitantes, 5 más que el pasado año, y a Valga 6.096, 25 más que la consulta anterior.
Sólo Pontecesures registra un pequeño descenso de 23 personas, quedándose en los 3.116 habitantes.
Los datos que ayer hizo públicos el Instituto Nacional de Estadística corresponden al 1 de enero de 2008.
FARO DE VIGO, 30/12/08
¿Que ver?
A vindeira cita musical no Concello de Valga, será o día 4 de xaneiro.
A vindeira cita musical no concello de Valga vai ter lugar o domingo, 4 de xaneiro. Para esa ocasión, a festa correrá a cargo da música tradicional, coa actuación de catro grupos de pandereteiras do municipio e tamén de Ames, e o humorista Lito de Arzúa.
DIARIO DE AROUSA, 29/12/08
Cultura
A mellor música e as mellores voces do 2008.
Todos os participantes conseguiron facer as delicias do público.
O Auditorio de Cordeiro foi o escenario que elixiron a Escola Municipal de Música de Valga e a Coral Polifónica Santa Comba de Cordeiro para despedir o ano de maneira conxunta.
O mellor xeito de dicirlle adeus a un ano no que as dúas formacións seguiron a ofrecer o mellor dos seus repertorios era deleitar cun concerto no que as dúas agrupacións tiveron moito protagonismo.
Por unha banda, as mellores voces do Concello concéntranse na masa coral. A actuación da pasada tarde estivo centrada no repaso dos seus xa grandes clásicos, temas que xa son parte da súa identidade como formación vocal.
No tocante á Escola de Música, houbo algunha que outra sorpresa coa que nun principio non se contaba (posto que non aparecía reflexado no programa que o Concello enviou ás casas de todos os veciños): A Banda Peque e tamén a participación do Coro da Escola de Música.
Actuacións > Os pequenos que subiron ao escenario demostraron coa súa participación que a Banda Municipal ten unha máis ca boa canteira xa que souberon defenderse como se formasen xa parte da agrupación principal. No tocante á intervención do coro, os que nunca tiveran a oportunidade de escoitalos quedaron abraiados coas grandes voces que se están a xestar no seo da Escola. Quizais xa hai de quen pensa en fichar a algunha das sorprendentes voces para as mellores orquestras galegas ou, quen sabe, para as vindeiras edicións de Operación Triunfo, pero tempo ao tempo.
O colofón final púxoo a actuación conxunta da Banda Municipal e a Escola. O que a simple vista puido parecer complicado, ao final causou a impresión no público de que estaban nun concerto da Orquestra e o Coro de RTVE.
DIARIO DE AROUSA, 29/12/08
Deportes
Voltas e reviravoltas para despedir o 2008 en Cordeiro.
Os rapaces foron os grandes protagonistas da exhibición.
O pavillón municipal de Cordeiro foi escenario, na tarde de onte, dunha exhibición de patinaxe artística.
Os rapaces e rapazas que acuden cada semana á actividade no pavillón tiveron a oportunidade de demostrarlles aos seus pais e a todos cantos se congregaron no graderío do moito que se pode aprender en tan pouco tempo, xa que esta é a primeira vez que se organiza esta actividade no municipio.
Piruetas, volteretas, equilibrios e demais conformaron un repertorio do máis variado e que conseguiu manter ao público coas mans quentes de tanto aplaudirlles aos artistas.
Como soe ser habitual, eran os pais os que se vían máis nerviosos que os propios participantes, que non paraban de facer exercicios de quecemento instantes antes do comezo da mostra, que se iniciou arredor das cinco da tarde, nas instalacións municipais do Concello de Valga.
Música > Pero se por algo se caracterizan este tipo de actividades é polos fondos musicais que lles dan vida ás coreografías. Dende a música máis actual ata os clásicos de toda a vida fixeron que tanto pais como rapaces gozaran non só cos movementos, senón tamén coas sintonías coas que danzaban ao son os deportistas valgueses.
Baixo a atenta e nerviosa mirada da súa monitora, Olalla, e do director do Ximnasio Municipal, Toño, os rapaces facían coreografías, para moitos, imposibles, montados nos seus patíns.
Agora haberá que agardar se estas aventuras que saben facer montados sobre catro rodas serán quen de facelas subidos en patíns de xeo, para así saír vitoriosos das xeadas que nos acompañaron durante estes días e que conseguiron que máis dun a bo seguro levara unha importante caída, a ser posible, sen facerse dano.
DIARIO DE AROUSA, 28/12/08
Concello
«Non queren nin comedor escolar nin Centro de Día». Nota íntegra do BNG de Pontecesures
O BNG de Pontecesures lamenta a insensibilidade mostrada polo «equipo de desgoberno» de Pontecesures cos maiores e cativos ao rechazar no pleno celebrado o luns día 22 as propostas apresentadas polo Grupo Municipal do BNG.
O Grupo Municpal apresentou tres posibles infraestructuras para seren financiadas con cargo ao Fondo Estatal de Inversión Local, que ten previsto dotar ao noso concello con 555.000 ? e que consisten na construción dun comedor escolar dentro do recinto escolar do CPI Pontecesures, na construcción dun centro de día e na construcción dun paso elevado peonil sobre a N-550 que comunique o camiño de San Xulián coa rúa do Pilar.
No pleno cadanseu grupo politico esgrimíu diferentes argumentos para votar en contra das propostas feitas polo BNG, desde a incompetencia do concello para acometer as obras con cargo a este fondo, pasando porque a premura das mesmas era incompatibel coa solicitude de permisos a outras administracións, porque as obras propostas as poden facer outras administracións, ou, simplemente, como rematou asegurando Sr. Randulfe porque «nós temos pensado outras e son estas a que se van facer e punto».
O BNG maniféstase contrario a que a Consellaría de Educación coloque no recinto escolar un comedor prefabricado, argumentado falla de orzamento para un comedor de características similares ás que contan a gran maioría dos comedores escolares de Galiza e non comprende como desde o actual desgoberno municipal se acepta un comedor deste tipo para o que ainda propón poñer fondos propios. A comunidade educativa de Pontecesures, sobre todo os pais e nais representados pola ANPA tamén manifestaron ao concello e ao delegado provincial a súa oposición a este tipo de instalación. Así pois dende O BNG propoñemos que con cargo a estes fondos se acometa a construcción un comedor escolar de calidade, que en calquera caso será con fondos públicos estatais e non con fondos propios do concello.
Ao negarse a que esta obra se inclúa no plan non só se está a votar en contra do BNG local senón que se está a dar nas narices dos pais e nais, presentes e futuros, que verán como nun futuro próximo non contarán cun servizo educativo complementario da calidade que merecen.
No caso do Centro de Día lamentamos o desinterese que amosou e amosa o tripartito por esta infraestrutura, ao noso xuízo, necesaria e cada vez máis demandada polos nosos veciños, que xa na actualidade teñen que usar o servizo que ofrece o centro do concello de Valga (nestes momentos acolle xa a catro usuarios de Pontecesures e non acceden máis porque xa está completo). O BNG puxo de manifesto na sesión plenaria que chegando case á metade da lexislatura o goberno municipal non tivera realizado ningunha xestión diante do Consorcio para que o Centro de Día fose unha realidade canto antes, feito que recoñeceu o tripartito poñendo peros a esta infraestrutura polo seu custo de construcción e incluso do posterior mantemento.
O perigo que supón o paso diario de peóns entre o centro do pobo e San Xulián eliminarase totalmente coa instalación dun paso elevado a xuízo do BNG, e así tamén foi recoñocido polo tránsfuga Sabariz. A administración de carreteras non acomete esta infraestructura porque o Sr. Sabariz non a quere, porque di que lle molesta preto da súa vivenda. Resulta bochornoso, coa cómplicidade dos seus socios de desgoberno, que se antepoñan os intereses particulares do Sr. Sabariz á seguranza dunha gran parte de veciños que teñen que facer diariamente este camiño.
Ao xuízo do BNG calquera destas obras pode ser incluida no Fondo Estatal de Inversión Local se o tripartito mostrase interese por elo, pero teñen demostrado que non lle interesan e non queren levar a cabo infraestructuras que propoña o BNG por moi necearias que estas sexan.
BNG de Pontecesures