Pontecesures reivindica a súa adhesión total ao área sanitaria de Santiago.

MOCI�?N DO EQUIPO DE GOBERNO DE PONTECESURES

«Xa hai moitos anos solicitouse á Consellería de Sanidade que a atención especializada que reciben os pacientes de Pontecesures pasasa a depender do Hospital Universitario de Santiago de Compostela, unha demanda que se aceptou e que permitiu incrementar a comodidade e a rapidez no desprazamento dos enfermos de Pontecesures para recibir atención especializada.

Dende ese momento os profesionais que traballan no Centro de Saúde de Pontecesures e os pacientes que acceden a ese espazo sanitario atopáronse cunha dualidade na atención dispensada; por unha banda, a atención especializada dependía directamente da Xerencia de Santiago, mentres que, por outra banda, o persoal sanitario de atención primaria e a inspección médica era competencia da xerencia sanitaria de Pontevedra.

Por este motivo, consideramos convinte que toda a xestión sanitaria que se leva a cabo dende o Centro de Saúde de Pontecesures (tanto a atención primaria como a especializada) dependa unicamente da área sanitaria de Santiago, o que suporía centralizar nun só lugar de referencia a realización de todos os trámites sanitarios, tanto no que respecta á atención especializada dos enfermos como a xestión e a coordinación dos profesionais que traballan no centro de saúde.

Polo exposto, solicitase ao pleno da corporación a adopción do seguinte acordo:

-Instar á Consellería de Sanidade da Xunta de Galicia para que todos os servizos sanitarios que se prestan na actualidade en Pontecesures (atención primaria, atención especializada, ademais da inspección médica que se fai dende Pontevedra) dependan da área sanitaria de Santiago de Compostela.»

Esta moción que será debatida no pleno ordinario de Pontecesures que terá lugar o 27 de setembro. Esperemos que coa integración da atención primaria na área de Santiago sexa creada con celeridade a praza do segundo facultativo de mediciña xeral que tanto precisamos no noso Centro de Saúde.